Et eksporty artyp keledi

Qazaqstan ózi ornalasqan aımaqtaǵy azyq-túlik qaýipsiz­digi máselesinde erekshe oryn ala­dy. Sondyqtan Memleket bas­­shysy Úkimet jáne agrarlyq sala aldyna otandyq et ónimi eksportyn 2016 jylǵa qaraı 60 myń tonnaǵa jetkizýdi tap­syrdy. Agrarlyq sektorda etti mal sharýashylyǵyn damytý jóninde buryn-sońdy bolyp kórmegen joba júzege asyrylady. 2016 jyldyń ózinde et eksporty 60 myń tonnaǵa jetedi, munyń quny 4 mıllıon tonna bıdaı ekspor­tyna teń. Memleket bul maqsatqa 130 mıllıard teńge nesıe resýr­syn bóledi, dedi bul jóninde Prezıdent óziniń 2011 jylǵy 28 qańtardaǵy Jol­daýyn­­da. Baǵ­darlama asyl tu­qym­dy mal basyn arttyrýǵa múmkindik beredi, al ol óz kezeginde aralas salalardaǵy óndi­ristiń ósimin qamtamasyz etedi. Memleket basshysy ústimizdegi jyldyń 11 qarashasynda ótken agroóner­kásip kesheni qyzmet­ker­leriniń forýmynda mal sharýa­shylyǵy salasyndaǵy se­lek­sııa­lyq ju­mys­tardy elimizge áke­linetin asyl tuqymdy mal esebinen kúsheıte túsýge sha­qyrdy. Osy maqsatta taıaý ýaqyttaǵy 5 jyl ishinde asyl tuqymdy iri qara basyn 246 myńǵa jetkizý úshin respýb­lıkaǵa álemniń úz­dik mal tuqymdarynan 72 myń bas asyl tuqymdy iri qara mal ákelinbek. Etti mal sharýashylyǵyn damy­tý jobasyn naqtylaý úshin qosymsha 7,3 mlrd. teńge, al veterınarııa júıesin jetildirý úshin 7,5 mlrd. teńge bólý qaras­ty­rylýda. 2011 jyly «Sybaǵa» baǵdarlamasy aıasynda fermerlik sharýashylyqtar 45 myń asyl tuqymdy sanalmaıtyn sıyr­lar satyp alǵan. Olardy asyl tuqymdy buqamen býdan­dastyrý esebinen aldaǵy jyl­dary ónimdi tól alynady dep kútilýde. 2003 jylmen salystyrǵan­da qoı basy da 1,5 esege artty. Qus etin óndirý 2000 jyldan beri 3 esege artyp, 33,3 myń tonnadan bıylǵy kórsetkish 112 myń tonnaǵa jetti. 2000 jyly qus fabrıkalarynda qus etiniń tek jartysy ǵana óndirilse, qazirgi kúni qus fabrıkalary elimizdegi qus eti ónerkásibiniń jalpy kóleminiń 92%-yn (104 myń tonna) berip otyr. «Egemen-aqparat».