Tarazda bolǵan jantúrshigerlik jol apatynan qonys kolonııasynyń basshysy men júrgizýshisi qaza tapty. Taǵy bes adam aýrýhanaǵa aýyr jaǵdaıda jetkizilgen, dep habarlaıdy KTK telearnasy.
Qaıǵyly jaǵdaı búgin tańǵy 8.00 shamasynda bolǵan. Mersedes pen Kıa betpe-bet soǵylyp, qyzmettik mashınadaǵy túrme basshysy men júrgizýshisi sol jerde til tartpaı ketken. Salonda bolǵan túzeý mekemesiniń tórt qyzmetkeri de túrli dene jaraqatymen emdeý mekemesinde jatyr.
Al, Mersedesti tizgindegen 41 jastaǵy júrgizýshiniń jaǵdaıy óte aýyr. Onyń baýyryna qatty zaqym kelgen. Jol apatyna da osy azamat sebepker bolýy múmkin. О́ıtkeni, ol mingen kóliktiń kapoty ashylyp, aldyn jaýyp qalǵan. Sondyqtan mashına qarsy betke shyǵyp ketip, Kıaǵa soǵylǵan.
«Jaraqatpen bes naýqas tústi, onyń bireýi áıel. Er kisilerdiń ishindegi bireýi óte aýyr halde. Baýyry jaraqattanǵan. Qazir onyń jaraqaty tigilip jatyr, jaǵdaıy aýyr», - dep atap ótti №1 aýrýhana bas dárigeriniń orynbasary Sáken Jumashev.