2018 jyldyń 2 qazanynda elordadaǵy Dostyq úıinde Astana qalasy Qazaqstan halqy assambleıasy, Astana qalasy ákimdigi janyndaǵy «Qoǵamdyq kelisim» kommýnaldyq memlekettik mekemesi jáne Astana qalasynyń Din isteri basqarmasy birlesip, dinı ekstremızm men terrorızminiń aldyn alý máselesine arnalǵan jıyn ótkizdi. Jıynǵa Astana qalasyndaǵy etnomádenı birlestikterdiń ókilderi jáne jastar uıymdary qatysty, dep habarlaıdy Astana qalasy ákimdigi janyndaǵy «Qoǵamdyq kelisim» qorynyń baspasóz qyzmeti.
«Terrorızmdi dinmen baılanystyrýǵa bolmaıdy. Kóp jaǵdaıda, terrorıster óz maqsattaryna jetý úshin jymysqy urandarmen atoılap shyǵady. Olar dindi teris burmalap, belgili bir jaǵdaılarda «dinı terrorızm» degen uǵymdy kópshilik ortada qalyptastyrýǵa tyrysyp baǵady». Kezdesý barysynda shyǵyp sóılegenderdiń pikiri osy baǵytta órbidi. Jıynda talqylanǵan máseleniń máni tereń ashylý úshin búldirgish kúshterdiń qaýipti áreketteri týraly beınematerıaldar kórsetildi. Sonymen birge, mamandar qatysýshylarǵa jalǵan aǵymdaǵylardyń is-áreketterin taldamaly túsindirmemen jan-jaqty aıtyp berdi.
Osy taqyrypta Astana qalasy etnomádenı birlestikteri ókilderimen taǵy bir kezdesý ótkizilmek. Ony 2018 jyldyń 4 qazanynda saǵat 17:00-de ótkizý josparlanyp otyr.
Atalǵan is-sharany ótkizýdegi basty maqsat-búldirgish kúshterdiń áreketteri týraly kópshilikke tolyqqandy aqparat berip, dinı esktremızmge qarsy turý qajettiligin aıqyn ashyp kórsetý.