Antalııada ótken 55-shi Halyqaralyq kınofestıval jeńimpazdarynyń esimderi jarııalandy, dep habarlaıdy QazAqparat.
Bıylǵy Antalııa Halyqaralyq kınofestıvaline 10 fılm, sonyń ishinde 2 túrik fılmi usynylǵan, olardy 34 myń kórermen tamashalady. Keshe, 5 qazan kúni festıval marapattaryn tabystaý saltanaty ótti.
«Úzdik fılm» atalymynda ırandyq rejısser Djafar Panahıdiń «Úsh Tulǵa (Three Faces)» fılmi jeńiske jetti. Rejısserdiń ózi úıqamaqta bolýyna baılanysty, júlde onyń qyzyna tapsyryldy.
«Úzdik aktrısa» atalymynyń jeńimpazy ataǵyna - «Aıka» fılmindegi róli úshin Samal Eslıamova laıyqty dep tabyldy.
«Úzdik akter» nagradasy «Kapernaým» fılmindegi róli úshin Zaın ál-Rafeaǵa berildi. Japon rejısseri Hırokadzý Koreeda «Dúken urylary (Shoplifters)» fılmi úshin «Úzdik rejısser» atandy. Amerıkalyq akter Erık Robertske «Qurmetti nagrada» tabystaldy. Aıta keteıik, festıval 29 qyrkúıek pen 5 qazan aralyǵynda ótti.