1923 jyly 6 qazanda respýblıkadaǵy horeografııa óneriniń qalyptasyp damý jolyna mol úles qosqan qazaqtyń tuńǵysh kásibı bıshi-baletmeısteri, Qazaqstannyń halyq ártisi Ábirov Dáýren Tastanbaıuly dúnıege keldi.
Dáýren Tastanbaıuly Ábirov 1923 jyly 6 qazanda Jambyl oblysy Qordaı aýdany Qarakemer aýylynda dúnıege kelgen, Ol qazaqtyń tuńǵysh bıshi- baletmeısteri, Qazaqstannyń eńbek sińirgen óner qaıratkeri, Qazaqstannyń halyq ártisi, Uly Otan soǵysyna qatysýshysy.
Almaty horegrafııalyq ýchılıshesin, 1952 jyly Máskeýdiń Lýnacharskıı atyndaǵy GITIS-niń baletmeısterlik bólimin bitirgen.
Dáýren Ábirov 1952 — 1977 j. Abaı atyndaǵy Qazaq opera jáne balet teatrynyń baletmeısteri, bas baletmeısteri, 1984 — 89 j. Júrgenov atyndaǵy Memlekettik teatr jáne kıno ınstıtýtynyń kafedra meńgerýshisi, 1989 — 97 j. horeografııa bóliminiń jetekshisi boldy.