О́ńirdegi qysqy týrızmdi damytýdyń bas josparyna Myrzashoqydaǵy arqan jolyn salý jobasy endi. Bul kúnderi 800 metr bıiktiktegi taý baýraıynda qyzý jumys bastalǵan.
О́ńirdegi sport basqarmasynyń málimetinshe, arqan joldyń uzyndyǵy − 1050 metr. Eki oryndyq 70 kabınasy bar. Bir saǵattyń ishinde 550 adam tasymaldanady. Byltyr arqan joldy qurastyrýǵa arnalǵan qural-jabdyqtar jetkizildi. Shańǵy kesheniniń qurylysyna birneshe ınvestor birlesip, 277,7 mıllıon teńge jumsaǵan. «AzııaPromInjınırıng» JShS-i mamandary arnaıy tireýlerdi ornatqan. Infraqurylymdyq jumystar da júrgizilgen. Qarajar aýylynan bastap Myrzashoqy taýyna deıingi aralyqta uzyndyǵy 3 shaqyrymdyq elektr jelisi tartylypty.
Serbııadan shaqyrylǵan «Taý-shańǵy kýrortyn damytýdyń» mamany Slavenko Badıýranyń aıtýynsha, Myrzashoqyda 6 arqandy, 3 oryndyqty jol jobasyn jasap, uzyndyǵy 15 shaqyrym shańǵy jolyn jasaýǵa bolady. Jumystar bıylǵy jyl sońyna deıin aıaqtalsa, shańǵy kesheni de paıdalanýǵa daıyn bolar edi.
Biraq, jergilikti Sport jáne týrızm bólimderiniń málimetinshe, byltyr Myrzashoqyǵa qar túspegen.
Keshen salyndy. Biraq, taýda qar joq. Keshen salmas buryn Myrzashoqy taýynyń aýa-raıy jaǵdaıyn, zerttep-zerdelep alý kerek pe edi. Bizde jobalar ylǵı solaı. Orta jolda qalyp jatady.
Sondyqtan, oblystyq ákimdik bıylǵy qar túse salysymen-aq, ýaqytyly jınap alý kerek degen tapsyrma berildi. Qar túspese, taý tabıǵı jaratylysyn saqtap, qorǵap qalǵysy kep turǵandaı-aý shamasy?!
Farıda BYQAI
«Egemen Qazaqstan»
PAVLODAR
Sýretti túsirgen: Valerıı Býgaev