Nokdaýn alǵan jekpe-jekte Júkembaev qarsylasyn nokaýtpen jeńdi, dep habarlaıdy vesti.kz
Qazaqstandyq kásipqoı boksshy Batyr Júkembaev Kvebekte (Kanada) ótken boks keshinde meksıkalyq Patrısıo Morenony nokaýtpen jeńdi. On raýndqa josparlanǵan kezdesý jetinshi raýndta aıaqtaldy. Batyr Júkembaev qarsylasyn ýaqytynan buryn jeńip shyqty. Birinshi raýndta qazaqstandyq boksshy mansabynda alǵash ret nokdaýn aldy. Tez esin jıyp, shabýylyn údetti. Nátıjesinde ekinshi raýndta qarsylasyn bir tizerletip, nokdaýnǵa túsirdi.
Jetinshi raýndta Júkembaevtyń búıirden urǵan judyryǵynyń kúshinen keıin meksıkalyq ornynan tura alǵan joq. 27 jastaǵy qazaqstandyq kásipqoı boksshy mansabyndaǵy 14-shi jeńisine qol jetkizdi. 12 kezdesýinde qarsylasyn ýaqytynan buryn jeńip shyqqan. Aıta keteıik, otandasymyz barlyq jekpe-jekterin Kanadada ótkizip keledi.