Ishki ister mınıstrliginiń aqparatyna súıensek, janarmaı stansasyna shabýyl jasaǵan adam – polısııa qyzmetkeri.
Krımınaldy polısııa qyzmetkerleri Astana-Kókshetaý tasjolyndaǵy janar-jaǵaramaı stansasyna qaraqshylyq shabýyl jasaǵan kúdiktini ustady. Qazirgi kezde ony ýaqytsha qamaý abaqtysynda ustap otyr. Bul týraly mınıstrliktiń resmı ókili Almas Sádýbaev habarlaǵan.
«Shabýyl kezinde ol betperdeni qıip alyp, kassırdi qarýmen qorqytqan. Sóıtip, 1 mıllıon teńge kólemindegi aqshany úptep ketti. О́kinishke qaraı, ustalǵan azamat polısııa qyzmetkeri - Shortandy aýdandyq ishki ister bólimi ýaqytsha qamaý ızolıatorynyń bastyǵy bolyp shyqty», - deıdi A.Sádýbaev.
Sondaı-aq, Almas Sádýbaev qylmyskerdiń bul áreketi úshin keshirim surady.
«Bizdiń qyzmetkerimiz jasaǵan zańsyz áreketi úshin xalyqtan keshirim suraımyz»