Qutqarýshylardyń kómegimen zardap shekken týrıster tabyldy. Olar medısınalyq kómekke muqtaj bolmaǵan, dep habarlaıdy Ishki ister mınıstrliginiń resmı ókili Nursultan Nurahmetov.
Búgin saǵat 3:07-de Qaraǵandy oblysy, Qarqaraly aýdanynda eki azamattyń joǵalyp ketkeni týraly habarlama jetken. Olardyń 1990 jylǵy Anglııa eliniń azamaty men 1992 jylǵy Túrkııa azamatshasy ekeni anyqtalǵan. Olar «Qaraǵaı ormany» shıpajaı aýmaǵynan taýly aımaqqa serýendep ketkennen keıin oralmaǵan.
Qarqaraly ulttyq parkiniń qyzmetkerlerinen qutqarýshy top qurylyp, tańǵa jýyq týrıster de tabylǵan.
«Saǵat altylardyń shamasynda Qarqaraly qalasynan 9 shaqyrym jerdegi Kendara ańǵary aýmaǵynda tabyldy. Qutqarýshylar Qarqaralyǵa jetkizgen. Medısınalyq kómektiń qajeti bolmady», dedi mınıstrliktiń resmı ókili.