Siz ne deısiz?

DAǴDARYSTY EŃSERÝDIŃ TIIMDI JOLY

Birqatar sharýashylyq júr­gizýshi nysandardyń dár­men­siz boryshkerler qatary­na qosylyp, bankrottyqqa ushyrap jatatyny jasy­ryn emes. Álemdik qarjy daǵ­darysynyń salqyny tıgen kásiporyndar men mekemelerdi saýyqtyrý jaıy qalaı? Oblystaǵy dármensiz boryshkerlerdi ońaltý rási­miniń tıimdiligi qandaı, qan­shalyqty qaıtarymdy?

«Egemen Qazaqstannyń» Aqtóbe oblysy boıynsha tilshisi  Satybaldy Sáýirbaı Qarjy mınıstrligi dármensiz boryshkerlermen jumys komıtetiniń «Batys» óńiraralyq departamentiniń bastyǵy Amanǵos Derbisálınge:

– Siz buǵan ne deısiz? – «Bankrottyq  týraly» Zańda taratýmen qatar, mekemeni ońaltýǵa baǵyttalǵan rá­simder kózdelgen. Ekonomı­ka­lyq jaǵdaıy qıyndaǵan mekemelerge qarjy daǵdarysyna baılanysty ońaltý shara­la­ryn keńinen  qoldaný  Qarjy mınıstrliginiń strategııalyq josparynda kórsetilip, ony oryndaý maqsatynda jumys­tar bastalǵan  bolatyn. Eger 2001-2007 jyldary ońaltý rásimine Aqtóbe oblysy boı­yn­sha kirgizilgen kásiporyn­dar sany 4-eý ǵana bolsa, 2008-2011 jyldar ishinde 23-ke jetti. Bul rásimdi engizý kór­setkishteri boıynsha Aq­tó­be oblysy elimizde kóshbas­shy­lardyń qatarynda keledi. 9 aıdyń qorytyndysy boı­yn­sha elimizdegi barlyq ońal­tý rásiminen ótip jatqan me­ke­melerdiń 25  paıyzy Aqtó­be oblysynyń úlesine tıesili. Biraq, bul jerde áńgime ońaltý rásimindegi mekemeler­diń sanynda emes, onyń sapa­synda bolsa kerek. Bulaı  deı­tin sebebim, bul rásimdi kirgizý onsha qıyn emes, alaıda, onyń ári qaraı jumysyn júrgizý, tabys tabý máse­le­lerin sheshý ońaıǵa túspeıdi. Degenmen, qıyndyqtarǵa qaramastan, sońǵy eki jylda barlyq rásimdi ótip jatqan mekemeler boıynsha kópten beri tólenbegen jalaqydan bereshekti 185,2 mln. teńge ne­mese 99,3 paıyz óteý ar­qy­ly áleýmettik shıelenisti jaǵ­daılardyń aldyn aldyq. Jal­py, 650 adamnyń ala almaı júrgen eńbaqylary qol­da­ryna tıdi. Jalaqydan bas­qa, bankterdiń, konkýrstyq kre­dıtorlardyń  506,7 mln. teńge alashaqtary óteldi. Alty mekeme ońaltý rásimi­nen ótip, jumystaryn qal­pyna keltirdi. Bir sózben aıtqanda, ońal­tý rásimin keńinen paıdalaný  daǵdarystan  shyǵaratyn negizgi joldyń biri bolyp otyr. Aqtóbe oblysy.