Halyqtyń turmysy jaqsarady
Joldaýda aıtylǵan ekonomıkalyq máseleler men halyqtyń turmysyn jaqsartý máselelerine Regnum.ru agenttigi de nazar aýdardy.
Aqparat agenttigi N.Nazarbaevtyń halyqqa Joldaýynda shıkizattyq emes ekonomıkaǵa tartylatyn tikeleı ınvestısııaǵa arnalǵan arnaıy qor qurýdy tapsyrǵanyn jazady. Mundaı qadam aýqymdy jobalardy júzege asyrýǵa múmkindik bermek.
Osy bastamany júzege asyrý úshin 300 mıllıard teńge qarastyrylǵan. Agenttik osynyń arqasynda sheteldik ınvestorlardyń Qazaqstanǵa qyzyǵýshylyǵy arta túsedi dep paıymdaıdy.
«Qazaqstan Prezıdenti basymdyǵy bar jobalarǵa qoljetimdi nesıe berý mindetin sheshý úshin Ulttyq bankke keminde 600 mıllıard teńge kóleminde uzaq merzimge qarjy bólýdi tapsyrdy. Sondaı-aq osy qarajattyń kózdelgen maqsatqa jumsalýyn qatań baqylaýdy qamtamasyz etýi kerektigin atap ótti», deıdi Regnum.ru.
Budan keıin aqparat agenttigi Elbasynyń otandyq taýarlardy tutynýǵa jáne qoldaýǵa shaqyryp, qazaqstandyq taýar óndirisin jandandyrý qajettigin aıtqanyn jazady.
Sondaı-aq 2030 jylǵa deıin aýmaqtyq damytý jónindegi jospar jasalatynyna da toqtalyp ótti. Qujatqa sáıkes, aýyldar men eldi mekenderdiń bolashaǵy zertteledi. «N.Nazarbaev jospar eldegi ýrbanızasııany basqarýǵa múmkindik beretinin atap ótti. «Infraqurylym adamdarǵa» modelinen «adamdar ınfraqurylymǵa» modeline birte-birte kóshý qajettigin málimdedi», deıdi Regnum.ru.
Ekonomıkaǵa mańyz berildi
Trend aqparat agenttigi Qazaqstan Prezıdenti Nursultan Nazarbaevtyń halyqqa Joldaýyna erekshe nazar aýdardy. Ásirese Prezıdenttiń el ekonomıkasyn odan ári damytý týraly oılaryna jekeleı toqtaldy.
Ázerbaıjandyq aqparat agenttigi «Bıznestiń jol kartasy-2020» baǵdarlamasyn 2025 jylǵa deıin uzartý qarastyrylǵanyn atap ótti.
«2010 jyly «Bıznestiń jol kartasy-2020» baǵdarlamasyn iske qostyq. О́ńirlerge barǵan saparymda bul tıimdi baǵdarlama ekenine kóz jetkizdik. Baǵdarlamany 2025 jylǵa deıin uzartýymyz kerek. Ony júzege asyrý úshin jyl saıyn keminde 30 mlrd teńge bólýimiz qajet», degen bolatyn Elbasy.
Trend Joldaýda aıtylǵan taǵy birqatar máselelerge nazar aýdardy. Máselen, Memleket basshysy aýyl sharýashylyǵy óniminiń eksportyn 2022 jylǵa qaraı 2,5 prosentke kóbeıtý mindetin qoıdy. Osyǵan sáıkes, aldaǵy ýaqytta jyl saıyn aýyl sharýashylyǵyna 100 mıllıard teńge qarastyrylady.
Aqparat agenttigi ónerkásip salasyn ilgerilendirý úshin aldaǵy úsh jylda qosymsha 500 mıllıard teńge bólinetinin de atap ótken. Trend-tyń paıymdaýynsha, bul el ekonomıkasyn nyǵaıta túsip, ónerkásip salasyn damytýǵa zor úles qosady.
Áleýmettik sala basty nazarda
Elbasy Joldaýyna baýyrlas Túrkııanyń buqaralyq aqparat quraldary da nazar aýdarǵan eken. Haberler basylymy Joldaýda halyqtyń turmys-tirshiligine qatysty áleýmettik mańyzdy máseleler aıtylǵanyn jetkizedi.
«Joldaýda aıtylǵan baǵyttarǵa qaraǵanda, Qazaqstannyń jańǵyrýynda áleýmettik máselelerge basymdyq berilgeni ańǵarylady. N.Nazarbaevtyń adam kapıtalyna erekshe mán berýi óńirdegi damý modeliniń jańa bir beleske kóterilgenin kórsetedi», deıdi Haberler.
Basylymnyń paıymdaýynsha, Joldaýda aıtylǵan máseleler adam kapıtalyn damytýǵa erekshe úles qospaq. Iаǵnı, osy qadam arqyly Qazaqstanda áleýmettik memleket qurý ıdeıasy júzege asyrylady.
«Memlekettiń basty mindeti – halqyna qyzmet etý. Osy oraıda, N.Nazarbaevtyń maqsaty Qazaqstan halqyn básekege qabiletti ultqa aınaldyrý. Ony júzege asyrý adamdardyń densaýlyǵyna, bilimge, mádenıetke jáne kásipkerlikke tikeleı baılanysty», deıdi Haberler.
Sholýdy daıyndaǵan
Abaı ASANKELDIULY,
«Egemen Qazaqstan»