Aýyl – barsha qazaqtyń besigi degen sóz tirkesi men qoldanysy tildik qorymyzǵa ornyqqaly qashan?! Rasy da, durysy da osy ǵoı. Qalada týyp, qaıratker atanǵandar neken-saıaq desem qatelese qoımaspyn. Onyń esesine halqymyzdyń maqtan tutar ul-qyzdarmyzdyń kindigi aýylda kesilip, aýylda óskeni eshkimge de qupııa emes. Sonyń ishinde Memleket Basshysy óz Joldaýyn Qazaqstan halqyna joldap otyrǵan sátte aýyzeki sóz arasynda aýyldyń jaǵdaıyn bir kisideı biletinin, óıtkeni ózi de aýylda týyp-óskein rııasyz kóńilmen, tipti maqtanysh sezimmen aıtqany – barsha aýyl turǵyndarynyń rızashylyq sezimin týǵyzdy dep esepteımin.
Keıbir damyǵan elderde, sonyń ishinde AQSh-ta tutas memleket halqynyń eki-aq paıyzy shetkeri qurylymda tursa, Qazaqstanda el halqynyń 40 paıyzynyń turaqty mekeni aýyl bolyp qalyp otyr. Bul óte zor, úlken áleýet dep aýyzsha tujyrym jasady Elbasy. Biz bul Joldaýdan Memleket Basshysy tarapygan aýylǵa degen qamqorlyq pen qoldaý udaıy, úzdiksiz bola beretinin, aýyl da eshqashan tasada qalmaıtynyn tereń sezine tústik. Sondaı-aq táýelsizdiktiń alǵashqy on jyldyǵy tusynda Elbasy óz Jarlyǵymen bir jyldy emes, eki jyldy emes, tutastaı úsh jyldy aýyldy damytý jyly dep jarııalaǵany umytyla qoıǵan joq. Endi mine, arada taǵy biraz jyl ótkende Elbasy aýyldy odan ári damytý men qaıta túletý máselesine taǵy bir márte oralyp, «Aýyl –el besigi» atty jobany júzege asyrýdy usyndy. Mundaǵy basty maqsat –Memleket Basshysynyń Joldaýdy jarııalaý kezinde málimdegenindeı aýyldyq jerlerdiń áleýmettik ortasyn jańǵyrtýǵa kirisý bolmaq. Bul rasynda da aýyldyń jaı-kúıin óte jaqsy biletin, oǵan jany ashıtyn, adamnyń isteıtin qadamy ekeni anyq. О́ıtkeni aýyldyń eńsesi tikteldi dep ózimizdi-ózimiz aldaýsyratqanymyzben mundaǵy áleýmettik ortanyń jaı-kúıi áli de olqy ekenin jasyryp jabýdyń qaındaı qajeti bar. Elbasynyń tujyrymdaýynsha, osy joba arqyly óńirlerdegi eńbekke qatysty ıdeologııany ilgeriletýge, ony túbirimen qaıta ornyqtyrýǵa bolady. Sál tarqatyp aıtqanda bul túsiniktiń túp tórkininde aýyldaǵy ár turǵyn men otbasy músheleriniń eńbekke degen adal kózqarasy men qulshynysyna jańasha serpin berý qajettigi tur dep túsinemin. О́ıtkeni mańdaı termen kelgen tabys pen yrystyń orny qashan da bólek emes pe? Aýyl turǵyndarynyń halyqtyń tutynýy úshin tikeleı azyq-túlik óndiretin beldeý men endikte turǵany da olarǵa jaýapty mindetter júkteıdi. Úlken jáne orta bıznes demesek te, árkimniń múmkindigi men shama-sharqyna qaraı shaǵyn kásippen shuǵyldanýynyń qajettiligi de osynda. Bul olardyń ózi úshin de, memleket úshin de tıimdi. Búginde ózim de zeınet jasynda ekenime qaramastan, osyndaı eki jaqty paıdaly ispen shuǵyldanyp júrgenimdi aıta ketkim keledi. Sondyqtan da men elge tıgizetin shapaǵaty mol «Aýyl –el besigi» jobasynyń iske qosylýyn tolyǵymen qoldaımyn.
Qusaıyn ShALMANOV,
Eńbek ardageri, Sarykól aýlynyń turǵyny
AQTО́BE oblysy, Temir aýdany