Áleýmettik jaýapty memleket qurý saıasatynyń jalǵasy

Ony QHA Tóraǵasynyń oryn­basary – Hatshylyq meń­gerý­shisi Leonıd Prokopenko ashyp, júrgizip otyrdy. Oty­rysqa Parlament Májilisi Tór­a­ǵasynyń orynbasary V.Bojko, QHA Tóraǵasynyń orynbasary V.Tvarıonas, Májilis depýtattary, QHA ǵylymı-sarapshylyq keńesiniń músheleri, ǵylym men mádenıet qaıratkerleri, etno-mádenı birlestikterdiń, BAQ ókilderi qatysty. 

QHA Tóraǵasynyń orynba­sary L.Prokopenko óziniń kiris­pe sózinde bıylǵy Joldaý­dyń mańyzyna toqtaldy. «Elba­synyń bıylǵy Joldaýyn aıryqsha áleýmettik sıpatta dep aıtýymyzǵa bolady. Sonyń ishin­de birqatar máselelerdi ataı keteıik. Birinshiden, jahan­dyq qarjy-ekonomıkalyq turaq­syzdyqqa qaramastan, Prezıdent N.Nazarbaev áleýmettik jaýap­ty memleketti qurý saıasatyn jalǵastyryp keledi. Memlekettiń eń basty baılyǵy – adam jáne onyń ómir súrý deńgeıiniń joǵary bolmaǵy degendi Elbasy únemi qadaǵalap otyrady. QHA ju­mysynyń da basty baǵyty Pre­zıdent jumysynyń osy basymdyǵyn jan-jaqty qol­daý­ǵa baǵyttalady. Ekinshiden, ha­lyqty áleýmettik qoldaýdyń my­salyna 2019 jyldyń 

1 qań­tarynan bastap eń tómengi ja­laqyny 1,5 ese arttyrýdy ataýǵa bolady. Bul jalaqy búgingi 28 myń teńgeden 42 myń teńgege deıin ósiriledi degen sóz. Ekonomıkanyń barlyq men­shik túrlerinde isteıtin 1 mln 300 myń adamǵa bul tikeleı qa­tysty bolatyndyǵy aıtyldy. Bıýdjetten eńbekaqy alatyn 275 myń qyzmetkerdiń tabysy orta eseppen 35 prosentke deıin artatyn boldy. Bulardyń bárin adam kapıtalyna salynǵan ınvestısııa dep uǵý kerek», deı kelip odan ári L.Prokopenko Joldaýdyń bas­qa da erekshelikterine toq­tal­dy. Sóziniń sońynda ol áleý­mettik paket qunynyń 1,5 trln teńgege jetýi buryn bol­maǵan oqıǵa ekenin atap ótti. «Mun­daı qadamdardy jasaý kez kelgen memlekettiń qolynan kelmeıdi. Joldaý qoǵamdaǵy turaqtylyqtyń negizi bolatyn áleýmettik ádilettikti ornatýǵa baǵyttalǵan dep aıtýymyzǵa bolady. Qazaqstan halqynyń birligi mundaı jaǵdaıda nyǵaıa bereri sózsiz», dedi ol. 

Sóziniń sońynda L.Pro­kopenko Assambleıanyń aldynda turǵan mindetterge de toqtalyp, aldaǵy jumys josparlaryna Joldaýdy qoldaý máseleleri boıynsha ózgerister men to­lyq­tyrýlar engiziletinin aıtty. So­nymen qatar Prezıdenttiń aldaǵy jyldyń «Jastar jyly» dep jarııalanýyna baılanys­ty Assambleıa qurylymynyń barlyq fılıaldary men bólim­shelerinde tóraǵanyń jastar isi boıynsha orynbasarlary alynatynyn eskertti. 

Otyrysta alǵashqy sózdi Má­jilis Tóraǵasynyń orynbasa­ry, Qazaqstannyń orys, slavıan jáne kazak uıymdary assosıa­sııasynyń tóraǵasy Vladı­mır Bojko aldy. Ol Prezı­dent­tiń jańa Joldaýynyń mańyz­dylyǵyn atap ótip, onda aıtyl­ǵan máselelerdiń iske asýyna qajetti zańnamalyq aktilerdiń birazy qazirdiń ózinde Parlament qorjynynda jatqanyn aıta kelip, depýtattyq korpýs olar­dy jáne osy baǵyttaǵy jańa­dan ázirlenetin zań joba­laryn da qabyldaýda aıanbaı eńbek etetinine sendirdi. Sonyń ishinde V.Bojko qazir Parlament Prezıdenttiń Jol­daýyn zańnamalyq turǵydan iske asyrýǵa tetik bolatyn aýyl­ sha­rýa­shylyǵy óndirisi boıynsha keı­bir zańnamalyq aktilerge ózge­rister men tolyqtyrýlar týra­ly, aldaǵy úsh jyldyq bıýd­jet týraly zań jobalaryn jáne t.b. belsendi túrde qarap jatqa­nyn jetkizdi. 

Jaryssózde QHA Tóraǵa­sy­nyń orynbasary Vıtalıı Tva­rıonas, Májilis depýtaty Na­talıa Jumadildaeva jáne t.b. sóılep, jańa Joldaýdyń erek­she­likterine toqtaldy. Bári de jańa Joldaýdyń mańyzy halyq úshin asa zor ekenin atap ótti. 

Otyrys qorytyndysynda QHA Prezıdent N.Nazarbaevtyń «Qazaqstandyqtardyń ál-aýqa­ty­nyń ósýi: tabys pen turmys sapasyn arttyrý» atty Qazaqstan halqyna Joldaýyn qoldaý bo­ıynsha Úndeý qabyldady. Ún­deýdiń mátini bólek berilip otyr. 

Jaqsybaı SAMRAT,

«Egemen Qazaqstan»