Men qarapaıym eńbek adamymyn, áıelim balabaqshada tárbıeshi. Úsh ul, bir qyzymyz bar. Kóp jyldar nesıe tólep, áıteýir eki bólmeli páterimizdi óz atymyzǵa rásimdep aldyq. On bes jyldan beri Astana turǵyny bolyp kelemiz. Meniń de, áıelimniń de eńbekaqysy tómen. Sondyqtan jumystan tys ýaqytta qosymsha taksıshi bolyp jumys isteýge týra keledi.
Meniń bar armanym – balalarymdy qatarynan qaldyrmaı ósirý. Ásirese sportqa baýlýǵa tyrysamyn. Tómengi synyptarda oqyǵanda kóp balaly otbasynyń múshesi retinde sportpen, bımen tegin aınalysýǵa múmkindigi bolǵan. Biraq úlken synyptarǵa barǵan soń alystaǵy sport keshenderine barýǵa jáne oǵan aqy tóleýge týra keldi. Onyń aqysyn tóleýdi bizdiń qaltamyz kótere bermeıdi. Sondyqtan eki úlken balamnyń sporttan qol úzip bara jatqanyna ókinip júretin edim. Endi Elbasy Nursultan Nazarbaev Joldaýynda Úkimetke jańadan 100 dene shynyqtyrý-saýyqtyrý keshenin salýǵa tapsyrma berýi, meni qatty qýantyp otyr. Árıne ondaı keshender Astanada da salynatyn shyǵar degen úmittemin. Muny estip balalarym da máz bolyp qaldy.
Sonymen qatar Joldaýda mektepke deıingi bilim berý sapasyn jaqsartý jáne pedagogtyń mártebesi týraly arnaıy zań qabyldaý týraly tapsyrma berildi. Bul on jeti jyldaı tárbıeshilik tájirıbesi bar meniń áıelime jáne onyń áriptesterine qýanyshty habar boldy.
Arystan ELEMESOV,
Astana elektr-tehnıka zaýytynyń jumysshysy