Úzdik aktrısa Túrkııany da tánti etti

О́tken aptada Túrkııanyń Antalııa qalasynda ótken 55-shi halyqara­lyq kınofestıvalde álemdik kınoón­diris­tiń úzdikteri anyqtaldy. 10 ata­lym boıynsha sarapqa túsken talanttar taǵdyry kásibı kıno maman­darynyń tańdaýymen anyqtalyp, jahanǵa jarııa etildi. Qazylar alqa­synyń sheshimimen, rejısser Sergeı Dvorsevoıdyń «Aıka» fılmin­degi róli úshin qazaqstandyq Samal Eslıamova úzdik aktrısa atandy. 

«Aıka» kınotýyndysynda balasyn ómirge ákele salyp, odan bas tartqan jas qyzdyń beınesin keıip­tedim. Ońaı boldy demeımin. Úlken izdenisti talap etti. Biraq sonyń nátı­jesinde kıno ónerine basqa, baıypty kózqaraspen, jaýapkershilikpen qarap úırendim. Búgingi jeńisim sol izdeni­simniń jemisi dep oılaımyn», – dep túsin­diredi aktrısa Kann jáne Túrkııa kıno­festıvalderindegi jeńisiniń syryn.

Al fılm rejısseri Sergeı Dvor­sevoı bolsa, kınotýyndysyna tańdaǵan aktrısa, ıaǵnı Samal jóninde bylaısha pikir bildiredi: «Jalpy, akterge týa­bitti talanttan bólek, minez de kerek. Samaldyń boıynda qolǵa alǵan isin sońyna jetkizbeı tynbaıtyn qaısar da ójet minez bar. Syrttaı óte názik kóringenimen, ishki qýaty myqty. Ol – shynaıy sezimniń aktrısasy». 

 Aıta keteıik, Antalııa qala­syn dýmanǵa bólep, qazaq qyzyna teń­dessiz abyroı syılaǵan aıtýly óner baıqaýynda, sondaı-aq ırandyq rejısser Djafar Panahıdiń «Úsh beıne» (Three Faces) kartınasy «Úzdik fılm» dep tanylsa, japon re­jıs­seri Hırokadzý Koreeda «Dúken ury­lary» (Shoplifters) kartınasy úshin «Úzdik rejısser» júldesin jeńip aldy. Al lıvandyq Nadın Laba­kı­diń «Kapernaým» (Capharnaüm) fılmin­degi izdenisi úshin Zaın ál-Rafea «Jyldyń úzdik akteri» atandy. Budan ózge atalymdaǵy júldeler de sarapshylar alqasynyń sheshimimen laıyqty ıelerine saltanatty jaǵ­daıda tabys etildi. 

Nazerke JUMABAI, 

«Egemen Qazaqstan»