Senatorlar qatary eki depýtatpen tolyqty

Qazaqstan Respýblıkasy Prezıdenti­niń 2018 jylǵy 9 tamyzdaǵy № 731 Jar­lyǵyna sáıkes, 2018 jyldyń 5 qazanynda Shymkent qalasynda Qazaqstan Parlamenti Senatynyń depýtattaryn saılaý ótkeni belgili.

Ortalyq saılaý komıssııasynyń máli­metinshe, saılaýǵa barlyǵy 6 úmitker qa­tys­ty, onyń ishinde 2 adamdy qala máslı­haty usynsa, 4 adam ózin-ózi usyný tártibimen saılaýǵa tústi. Saılaý qory­tyndysy boıynsha 2014 jylǵy 1 qazan­da saılanǵan Parlament Senaty depýtat­tarynyń ókilettik merzimine Darhan Aman­geldiuly Satybaldy, 2017 jylǵy 28 maý­symda saılanǵan Parlament Senaty depý­tattarynyń ókilettik merzimine Nur­lan Qudııaruly Beknazarov saılandy. 

Sonymen qatar Qazaqstan Respýb­lı­kasynyń Konstıtýsııalyq zańynyń 101-baby «Qazaqstan Respýblıkasyndaǵy saılaý týraly» Zańyna sáıkes aǵymdaǵy jyldyń 28 qazanynda 83 okrýg boıynsha shyǵyp qalǵan máslıhat depýtattarynyń ornyna saılaý ótedi. 12 oblystyq, 9 qalalyq, 62 aýdandyq máslıhat depýtaty saılanady. 

OSK habarlaýynsha, máslıhat saılaý­yna barlyǵy 284 kandıdat usynylyp, 249 kandıdat tirkelgen. Tirkelgen kan­dı­dattardyń 177-i (71,1%) erler, 72-i (28,9%) áıelder. Úmitkerler arasynda barlyǵy 8 ult ókilderi bar. Kandıdattardyń ortasha jasy – 41,8 jas. 219 úmitkerdiń (88%) jo­ǵa­ry bilimi, 24-niń (9,6%) arnaýly orta jáne 6-ýynyń (2,4%) orta bilimi bar. 13-i (5,2%) – memlekettik qyzmetshi, 97-si (39%) – memlekettik kásiporyndardyń qyzmetkerleri, 127-si (51%) – kommersııalyq qurylymdardyń qyzmetkerleri, 10 adam (4%) saıası partııalardyń jáne ÚEU qyzmetkeri, 1 adam (0,4 %) ýaqytsha jumys istemeıdi, 1 úmitker (0,4%) – zeınetker.

Tirkeý merzimi aıaqtalǵannan keıin kandıdattardyń barlyǵy qazannyń 26 kúniniń sońyna deıin jalǵasatyn saılaý­aldy úgit-nasıhatqa kiristi. Saılaý kúni aldyndaǵy jáne daýys berý kúni saılaý aldyndaǵy úgit-nasıhat júrgizýge tyıym salynady. Saılaý kampanııasy saılaý zańnamasy normalarynyń talaptaryna sáıkes ótýi tıis, dep habarlady Ortalyq saılaý komıssııasynyń baspasóz qyzmeti.