13-21 qazan aralyǵynda Reseı astanasy – Máskeýde tennısten WTA sanatyna jatatyn beldi jarystardyń biri – «Kreml kýbogynyń» jalaýy jelbireıdi.
1990 jyldan beri úzdiksiz uıymdastyrylyp kele jatqan dástúrli týrnırde kóptegen áıgili tennısshiler óner kórsetip, solardyń birazy óz ýaqytynda mol oljaǵa keneldi. Byltyr ótken jarysta erler saıysynda Bosnııa men Gersegovınanyń ókili Damır Djýmhýr dara shyqsa, áıelder arasynda germanııalyq Iýlııa Gerges ozǵan edi.
Júlde qory 790 000 AQSh dollaryn qurap otyrǵan bıylǵy týrnırde Karolına Plıshkova, Anastasııa Pavlıýchenkova, Darııa Kasatkına, Alıze Korne, Domınıka Sıbýlkova, Mısha Zverev, Andreas Seppı, Damır Djýmhýr, Malek Jazırı syndy tanymal oıynshylar óner kórsetedi. Jarys jolyna shyǵatatyndar arasynda Qazaqstannyń da ókili bar. Ol – elimizdiń birinshi raketkasy Iýlııa Pýtınseva. Estonııalyq Kaııa Kanepı Máskeýge kelýden bas tartqandyqtan álemdik reıtıngte 47 satyda turǵan jerlesimiz osy básekede baq synaý qurmetine ıe boldy.
Ǵalym SÚLEIMEN,
«Egemen Qazaqstan»