I.Omarov atyndaǵy oblystyq qazaq drama teatry jańa maýsymyn E.Tóleýbaıdyń «Marııam, Ilııas» spektaklimen ashty. Shyǵarma óne boıyna qyzyl ımperııanyń qylyshynan qany tamǵan, jeke basqa tabynyp, adam quqy taptalǵan zamanda Qazaqstannyń halyq aqyny Marııam Hakimjanovanyń qıyndyqqa toly ómiri arqyly qazaq zııalylary shekken zardapty arqaý etedi. Marııam beınesin Qazaqstannyń eńbek sińirgen ártisi Shaharbaený Esenǵulova somdaıdy.
Spektakl bastalar aldynda teatr maýsymynyń ashylý saltanaty boldy. Onda teatr dırektory Sabyraly Kemelbaev, óner ordasynyń kórkemdik jetekshisi Álııa Baımahan kórermenderdi jáne óner ujymyn maýsymnyń ashylýymen quttyqtady. Teatr maýsymynyń dástúrli ashylýyna oraı óner otaýynyń ártisteri sahnada qyzyl kilemmen júrip ótti.
–Teatr maýsymynyń ashylýy tek óner ujymyna ǵana emes, kórermenge de merekelik kóńil-kúı syılaýy tıis. Sol dástúr kópten teatrymyzda umytylǵandaı edi. Osy joly kórermen men ártister qaıta tabysqandaı, bir jyly shara ótti. Negizi kórermen sahnadaǵy keıipkerlerdi somdaǵan ártisterdi tanýy kerek. Akterlerdiń qyzyl kilem ústimen júrip ótýiniń ózi zaldaǵy kórermenge estetıkalyq, rýhanı qýanysh syılaıdy dep oılaımyn. Bul shara ártisterge de shabyt bereri daýsyz, – deıdi belgili aktrısa Shaharbaný Eesenǵulova.
Teatrǵa kelgender Marııam Hakimjanova men Ilııas Omarovtyń shyǵarmashylyǵy men jeke tutynǵan zattarynan turatyn shaǵyn kórmeni de tamashalady.
Názıra JÁRIMBET,
«Egemen Qazaqstan»
Qostanaı