Kezdesý barysynda Memleket basshysyna Nıý-Iork jáne London qalalarynda ótken ınvestısııalyq forýmdardyń qorytyndylary jóninde esep berildi, dep habarlaıdy Aqordanyń baspasóz qyzmeti.
Asqar Jumaǵalıev áleýetti sheteldik ınvestorlar úshin birqatar paneldi sessııa ótkizilgeni jóninde málimdedi. Bul basqosýlarda Qazaqstandaǵy jekeshelendirý úderisi, ekonomıkanyń jekelegen sektorlaryna ınvestısııa salý, Uly Jibek jolyn jańǵyrtý, kólik logıstıkasyn damytý jaıy, sondaı-aq sıfrlandyrýdaǵy ınnovasııanyń róli men «Astana» halyqaralyq qarjy ortalyǵynyń qyzmeti týraly máseleler talqylandy.
Sonymen qatar Premer-Mınıstrdiń orynbasary Memleket basshysyna ınvestısııalyq forýmdar aıasynda ótken eki jaqty kezdesýlerdiń nátıjelerin baıandady.
Nursultan Nazarbaev kezdesý sońynda birqatar naqty tapsyrma berdi.