Búgin Qazaqstan quramasynyń bas bapkeri Ulttar lıgasy jarysynyń oıyndary aldynda tilshilermen kezdesti.
- Jaraqat alyp qalǵan Erkebulan Tuńǵyshbaevtyń ornyna Sokolenkony shaqyrdyq. Áıtpese, qalǵan oıynshylar quramynda esh ózgeris joq. Tek Ǵafurjan Súıimbaevtyń kishigirim jaraqaty bar eken. Oıynǵa deıin jazylyp ketetin shyǵar dep kútip otyrmyz.
- Latvııa jáne Andorraǵa qarsy oıyndardan ne kútemiz?
- Negizi, komanda oıyny jaman emes. Alaıda, shabýyldy aıaqtaý kezinde másele kóp. Biz jasaǵan múmkindikterimizdi golǵa aınaldyra almaı jatyrmyz. Sondyqtan da, kishkene komanda oıynyn ózgertip kóretin shyǵarmyn.
- Grýzııadan jeńilgen soń Siz oıynshylarǵa dınamıka jetispeıdi dep edińiz? Osy jaǵdaı 2 aı ishinde ózgerdi dep oılaısyz ba?
- Osy bir qysqa merzim ishinde birneshe oıynshymyz fızıkalyq jaǵdaıyn jaqsartty dep oılaımyn. Sebebi, olar ishki birinshilikte alańǵa kóbirek shyǵa bastady. Eger quramaǵa alynatyn oıynshynyń komanda jaqsy oınasa, onda ol fýtbolshynyń quramaǵa da tıgizer paıdasy kóp degen sóz.
- Toptan shyǵý máselesi qalaı bolyp tur?
- Árıne, alǵashqy eki oıynnan keıin jaǵdaıymyz qıyndaý. Degenmen, múmkindik bar, demek sońyna deıin kúresýimiz kerek. Qarsylastyń qateligin kútetin bolamyz.