Turaqtylyq pen tynyshtyq

Aýǵan soǵysy ardagerleriniń qalaýy osy

Qarýly Kúshterdiń ardagerleri men aýǵandyq jaýyn­gerler Jańaózende bolǵan oqıǵaǵa jáne jekelegen adam­dar­dyń Úkimet otstavkaǵa ketsin degen talabyna baıla­nysty alańdaýshylyq tanytty. Jańa jyl qarsańynda Astanada ótkizilgen baspa­sóz máslıhatynda Aýǵan so­ǵysy ardagerleri respýb­lı­kalyq qoǵamdyq uıymy men «Qa­rý­ly Kúshter ardagerleri» res­pýb­lıkalyq qo­ǵamdyq bir­les­tiginiń orta­lyq keńesi jekelegen adam­dardyń pikirleri búkil aýǵan soǵysy arda­gerl­e­ri­niń kózqarasyn bildirmeıtindigin atady. – Jekelegen adamdar­dyń búkil ardagerlerdiń atynan buqaralyq aqparat qural­da­ry­na osyndaı óz­de­riniń bas­tamasymen shyq­qa­nyna qat­ty ókinemiz, – dedi ardagerler uıymynyń bas­shy­lary. – Barlyq máseleni órke­nıetti túrde sheshý qajet. Memlekettegi tártip pen turaqtylyq – búgingi jáne erteńgi jetistik­teri­mizdiń kepili bolmaq. «Qarýly Kúshter ardagerleri» respýblıkalyq qo­ǵam­dyq birlestiginiń tór­aǵa­sy general-leıtenant Ba­qytjan Ertaev Elbasy N.Nazarbaevtyń Jańa­ózen turǵyndarymen bol­ǵan kezdesýde aıtqan: «Qa­zaqstan qoǵamynyń basty qundy­ly­ǵy – Táýelsizdik, beıbitshilik jáne tynysh­tyq» degen sózin keltirdi. Ar­dagerdiń pikirinshe, eli­mizdiń qol jetken ta­bys­taryn saqtap, ony da­myta túsý úshin qazirgi tańda qa­zaqstandyqtarǵa birlik pen ózara túsinistik aýadaı qajet. Sondaı-aq, ardagerler Mem­­leket basshysynyń tap­­syr­­masyna sáıkes Úkimet Jańaózen, Shetpe, Aqtaý qa­lalarynda tártipti qal­pyna keltirý úshin tótenshe jaǵ­daı­lar sharasyn tez arada qolǵa alǵanyn atap ótti. Úkimet Jańaózendi qal­pyna keltirý úshin barlyq qajetti jaǵdaıdy jasaýda. Qaladaǵy áleýmettik-ekono­mı­kalyq, gýmanıtarlyq má­seleler tez arada sheshilýde. Osynyń bári jappaı tár­tip­sizdik kezinde zardap shekken azamattardyń taǵ­dyryna el basshylyǵynyń beı-jaı qa­raı almaıtynyn kórsetedi.

Qarýly Kúshter men aý­ǵan soǵysynyń ardagerleri aty­nan qoǵamdyq uıym­dar­dyń jetekshileri otan­das­tary­myz­dy qandaı da bir aran­datýǵa jol bermeýge, syn sa­ǵat­ta danalyq tany­typ, ty­nyshtyq saqtaýǵa shaqyrdy.