Eýrazııalyq Top kásiporyndarynyń jumysshylary arasyndaǵy «Altyn qor-2018» kásibı sheberlik baıqaýy bıyl SSKО́B bazasynda ótti. Eki kún boıy Sokolov-Sarybaı ken-baıytý óndiristik birlestiginiń ónerkásip alańdarynda qazaqstandyq óndiristiń alyptary – ERG-diń barlyq kásiporyndarynyń ókilderi biliktiligi men sheberlikterin kórseti úshin synǵa tústi.
Baıqaýda jeti atalym boıynsha «Qazaqstan Alıýmınııi» AQ (Pavlodar q.), «Qazaqstandyq elektrolız zaýyty» (Pavlodar q.), «Evroazıattyq energetıkalyq korporasııa» (Aqsý q., Pavlodar oblysy), «Qazhrom TUK» (Aqsý, Aqtóbe jáne Hromtaý q.), «Shubarkól kómir» (Qaraǵandy q.), «3-Energoortalyq» (Shymkent q.), ERG Service (Pavlodar q.), «SSKО́B» (Rýdnyı q.) jáne «TransKom» JShS (Almaty) ókilderi baq synady.
О́zderiniń kásibı sheberlikterin kópirli kran mashınısteri, elektr-gazben dánekerleýshiler, elektr jóndeýshileri, ekskavator, býldozer jáne avtosamosval mashınısteri kórsetti. Baıqaýǵa tuńǵysh ret jol monterlary arasynda jarystyń komandalyq túri engizildi. Bul kezeńge Eýrazııalyq Toptyń bes dıvızıony qatysty. Quramynda tórt mamany bar brıgadalar jumysty berilgen tapsyrma boıynsha atqardy. «Altyn qor-2018» 50-den astam úmitkerdiń basyn biriktirdi. Olardyń barlyǵy jyl boıy Top kásiporyndarynda uıymdastyrylǵan irikteý kezeńderin súrinbeı ótken.
Qatysýshylar men baıqaý komıssııasy ókilderiniń birinshi bas qosýy «SSKО́B» AQ kadrlardy oqytyp daıarlaý ortalyǵynyń akt zalynda ótti. Dál osy jerde «Altyn qor-2018» baıqaýy saltanatty túrde ashyldy. Onda jınalǵandardy Eýrazııalyq Toptyń áleýmettik jobalar departamentiniń dırektory Vladıslav Mıhaılov quttyqtady.
«Munda óz isiniń naǵyz mamandary kelip otyr. Sizder – Eýrazııalyq Top ujymynyń eń úzdik ókilisizder. «Altyn qor-2018» baıqaýynyń qatysýshylary, eń aldymen, kompanııanyń jańa maqsattaryn júzege asyrýshylar, ári tiregi. Jastar sizderge qarap, úlgi alady. Búgin men erteńgi kúnge baǵa bersek, ERG-diń bolashaǵy zor. Ol bolashaqqa sizderdiń tájirıbelerińizdiń arqasynda ǵana qol jetkize alamyz. Men barlyq qatysýshylarǵa tabys, sáttilik jáne jeńis tileımin», dedi Vladıslav Mıhaılov.
Jarystar eki kezeńnen turdy: birinshi kún jarysqa qatysýshylardyń teorııalyq bilimderin tekserýge arnalsa, ekinshi kúni praktıkalyq daǵdylary synaldy. Usynylǵan tapsyrmalardyń árbiri qatysýshylardyń jınaqylyǵyn, kásibı sheberligin, maqsatkerligi men jaýapkershiligin talap etti. О́ıtkeni dál osy qasıetter Eýrazııalyq Toptyń basty qundylyqtary sanalady.
«Bul meniń alǵashqy kásibı sheberlik baıqaýym. Jarystyń árbir qatysýshysy – óz isiniń sheberi. Qobaljý, árıne, boldy. Alaıda jaqsy nátıje kórsetýge degen umtylysym odan basym boldy. Osylaısha bilim men tájirıbemniń arqasynda barlyq suraqtarǵa birinshi bolyp jaýap berdim» deıdi teorııalyq kezeńdi artqa tastaǵan Aqtóbe ferroqorytpa zaýytynyń kran mashınısi Edýard Keppel.
«Osyndaı baıqaýlardyń biz úshin máni bólek. Olar sheberlik daǵdylarymyzdy damyta túsýge yntalandyrady. О́z kásipornyńnyń namysyn qorǵaý – úlken jaýapkershilik. О́ıtkeni búkil ujymnyń aınasysyń. Sol sebepti ýaıymdy umytyp, úzdik bolýǵa umtylý kerek» deıdi praktıkalyq kezeńnen súrinbeı ótken ERG Service kompanııasynyń kópirlik kran mashınısi Tatıana Akılova.
«Altyn qor-2018» baıqaýynyń sońǵy núktesi «Gornıak» mádenı oıyn-saýyq ortalyǵynda qoıyldy. Jeńimpazdardy marapattaý saltanatynda qatysýshylardyń tarapyna kóptegen jyly sózder men quttyqtaýlar aıtyldy. Eýrazııalyq Top basshylyǵynyń sheshimi boıynsha úshinshi oryn alǵandar 150 000 teńge kólemindegi aqshalaı syılyqqa ıe boldy. Ekinshi orynǵa 200 000 teńge taǵaıyndalsa, jeńimpazdarǵa 250 000 teńge tabystaldy. Kásibılik, baısaldylyq pen tapsyrmalardy oryndaýda úzdik nátıje kórsetkender eń joǵary marapatqa ıe boldy. Olar: samosval júrgizýshisi Vıtalıı Gýpalov («SSKО́B »AQ), býldozer mashınısi Serik Dabysov («Qazhrom TUK» AQ), ekskavator mashınısi Sergeı Frıdrıh («EEK» AQ), kran mashınısi Marııa Gorıacheva («Qazaqstan Alıýmınııi»), elektr-gazben dánekerleýshi Iýrıı Grachev («SSKО́B» AQ), elektr jóndeýshi Aleksandr Zagýra («SSKО́B» AQ). Baı qaýdyń «qanatqaqty» kezeńinde SSKО́B-tyń jol monterlary – quramynda Alekseı Sheınoga, Jańabek Omarov, Júnis Aqtaýov bar brıgada jeńistiń tuǵyrynan kórindi.
Názıra JÁRIMBET,
«Egemen Qazaqstan»
Qostanaı