Til-kózden saqtasyn, deıik Túrkistan oblysynda úshemder qatary arta túsýde. Saryaǵash aýdanyndaǵy Ushqyn aýylynyń turǵyny Uljalǵas Baqtybaeva eki ul jáne bir qyzdy dúnıege ákeldi.
Shymkentegi №1 perınataldyq ortalyqta ómirge kelgen úshem týraly aqparatty oblystyq densaýlyq basqarmasy apta ótken soń jarııa etti. Oǵan sebep te joq emes eken, ana merziminen erterek bosanǵan.
Dárigerler nárestelerdi bir apta baqylaýda ustapty. Kúni keshe úshemdi dúnıege ákelip, segiz balanyń anasy bolǵan Uljalǵas perzenthanadan aman-esen shyqty. О́mir esigin jańa ashqan Aıberik, Baıserik jáne Gúlsimniń bes aǵa-ápkesi bar. Perınataldy ortalyqtyń dárigerleri náresteler men balabaqshada tárbıeshiniń kómekshisi bolyp jumys isteıtin U. Baqtybaevanyń densaýlyq jaǵdaıyn turaqty dep baǵalap otyr.
Ǵalymjan ELShIBAI,
«Egemen Qazaqstan»
Túrkistan oblysy