Jańalyq pen jaqsylyqty qalt jibermeıtin boldyq. Olaı bolmaǵanda tarıhtyń tyrs-tyrs soqqan saǵatynan qalyp qoıatynyń sózsiz. Barsha qazaqstandyqtar táýelsizdigimizdiń 20 jyldyǵy qarsańynda ásem Astanaǵa kóz tigip, jan jadyratqan ıgiliktermen shattandy.
Astanadaǵy Indýstrııalandyrý kúni aıasynda bıznestiń áleýmettik jaýapkershiligi jónindegi konkýrs qorytyndysymen «Altyn sapa-2011» syılyǵynyń laýreattary jáne «Qazaqstannyń úzdik taýary» kórme-konkýrsynyń dıplomattary bas qosqan saltanatqa Elbasy qatysyp, jıyn ajaryn asha túskenin aıtýǵa bolady. Eńbektiń janǵany, izdenistiń izgiligi bar qyrynan kórindi.
Jetisý óńiri ónerkásip pen kásipkerlik salasynda jaqsy jetistikterge jetti. Bıyldyń ózinde ındýstrııalandyrý kartasy aıasynda jalpy quny 9,6 mlrd. teńge bolatyn 10 jańa nysan iske qosyldy.
Al Taldyqorǵandaǵy «Qaınar AKB» jaýapkershiligi shekteýli seriktestiginiń ujymy óndiris aýqymyn keńeıtip, jańa tehnologııalardy iske qosý nátıjesinde ónimderin alys shetelderge shyǵarý múmkindigine ıe bolǵanyn da maqtanyshpen aıtýǵa bolady.
Kásiporyn saltanatty jıynda el Prezıdentiniń «Altyn sapa» arnaıy syılyǵymen marapattaldy. Sondaı-aq shaǵyn jáne orta kásipkerlik salasyndaǵy «О́ndiristik maqsattaǵy úzdik kásiporyn» atalymy boıynsha eń tańdaýly kásiporyn qatarynan tabylyp, mereılendi.
«Qaınar AKB» jeńisine barsha jetisýlyqtar qýandy. О́ıtkeni, atalǵan kásiporyn óńirdiń ekonomıkalyq, áleýmettik damýyna úles qosýmen qatar, halyqty jumyspen qamtyp, jaǵdaılarynyń jaqsarýyna septigin tıgizip keledi.
Qıyn-qystaý kezde de erteńge degen úmitterin úkilegen zaýyt ujymy áli de tabystaryn tasytyp, básekege qabiletti ónim óndirýdi jalǵastyrýda. Qyryq jylǵa jýyq eńbek ótili bar kásiporynda birneshe urpaqtyń ókili almasyp, olar kásibı sheberlikterin shyńdap keledi. Utymdy uıymdastyrý olardy bıikke umtyldyrýda.
Kúmisjan BAIJAN.
Almaty oblysy.