Elbasy, Qazaqstan Respýblıkasy Qarýly Kúshteriniń Bas Qolbasshysy Nursultan Ábishuly Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýy shyn máninde halyqqa arnalǵan baǵdarlama ekendigimen qundy. Táýelsiz elimizdiń qasıetti shebin kózderiniń qarashyǵyndaı kúzetip júrgen shekara saqshylaryna erekshe jiger bergen Memleket basshysy óziniń halyqqa dástúrli Joldaýynda alty mańyzdy baǵytty atap ótti. Onyń ár baǵyty – Qazaqstan halqyn, onyń ishinde áskerı qyzmetshilerdiń ata-ana, týǵandary men otbasy músheleriniń ál-aýqatyn arttyrýdy qamtıdy.
Shekara qyzmetiniń shekara aımaqtarynda turǵan áskerı bólimderinde Elbasy Joldaýyn qoldaýǵa arnalǵan is-sharalar ótkizilip, jeke quramǵa, sondaı-aq olardyń januıa múshelerine jan-jaqty túsindirý jumystary júrgiziletin bolady. Memleket basshysy óziniń 26 jyldyq tarıhy bar UQK Shekara qyzmetiniń materıaldyq-tehnıkalyq bazasynyń tolyqqandy bolýyn árdaıym nazarynda ustap keledi. Osyndaı qamqorlyqtyń nátıjesinde elimizdiń ulań-ǵaıyr shekarasyn qorǵaýǵa qajetti qarjy-qarajat pen kerek-jaraqtar jetkilikti túrde bólinýde. Buǵan qosa, shekarashylardyń áleýmettik jaǵynan qorǵalýy da ózekti másele retinde kún tártibinen túsken emes.
Elbasynyń bıylǵy qazan aıyndaǵy Qazaqstan halqyna Joldaýynda 2019-2021 jyldar aralyǵynda áskerı qyzmetshiler men ózge de memlekettik qyzmetshilerdiń eńbekaqysyn 35 paıyzǵa kóterý qajettiligine toqtaldy.
Aıtý kerek, bul – Elbasy tarapynan áskerı qyzmetshilerge, olardyń januıalary men elimizdiń óskeleń urpaqtaryna kórsetilgen shynaıy qamqorlyqtyń jarqyn beınesi.
Táýelsiz elimizdiń Tuńǵysh Prezıdenti – Elbasy N.Nazarbaevtyń maqsaty Qazaqstan halqyn básekege qabiletti ultqa aınaldyrý. Bul degenimiz, adamdardyń densaýlyǵy men bilimine, mádenıeti men kásipkerligine tikeleı baılanysty bolmaq. Týǵan eliniń qasıetti shebin kúzetip júrgen árbir shekarashy – Otanynyń patrıoty óz Prezıdentiniń ózderine degen shynaıy qamqorlyǵyn sezinip, osy jolda qarymdy qadamdardy iske asyra beretin bolady.
Darhan DILMANOV,
QR UQK Tóraǵasynyń orynbasary,
Shekara qyzmetiniń Dırektory