Jasynyń ulǵaıyp qalǵanyna qaramastan Lıýdmıla Býtenko Shvesııada ótken Eýropa chempıonatynan jeńispen oraldy.
Ol baıraqty básekede elimizdiń abyroıyn asqaqtatyp, kekýshınkaı karateden uıymdastyrylǵan týrnırdiń kýbogyn ıelendi.
Lıýdmıla Býtenkonyń karatemen aınalysqanyna 10 jyl. Halyqaralyq jarysqa deıin ol elimizde ótken respýblıkalyq týrnırde top jarǵan. 49 jastaǵy sportshy Shvesııada ótken aqtyq beldesýde qara beldbeýdiń ıesi ýkraınalyq sportshyny tize búktirdi.
«Dene shynyqtyrý páninen sabaq beremin. 14-shi orta mektepte shákirtterimdi jattyqtyramyn. 2016 jylǵy respýblıkalyq týrnırdiń qola júldegerimin», deıdi Eýropa chempıony. Qazirgi kezde Petropavlda karatemen shuǵyldanatyn azamattardyń qatary qalyń. 1200 sportshy bar.
«Kekýshınkaı karate jalpyqazaqstandyq uıymy» SQOF-nyń dırektory Vladımır Vıtchenkonyń aıtýynsha, Eýropa chempıonatynda Qazaqstan ulttyq quramasy 2-shi oryndy ıelengen. Qyzyljar óńirinen 3 sportshy óner kórsetip, Lıýdmıla jeńistiń eń bıik tuǵyryna kóterilgen.
Ol búginde Reseıde ótetin halyqaralyq jarysqa daıyndalyp, kári qurlyqtaǵy jeńisin qaıtalaýǵa bekinip otyr.
О́mir ESQALI,
«Egemen Qazaqstan»
Soltústik Qazaqstan oblysy