Qyrǵyzstannyń Osh qalasynda ótip jatqan II qazaq-qyrǵyz zııalylar forýmynda Halyqaralyq Túrki akademııasynyń prezıdenti Darhan Qydyráli men akademııanyń aǵa sarapshysy Qadyraly Qonqobaevqa Osh memlekettik ýnıversıtetiniń Qurmetti professory ataǵy berildi.
Osh memlekettik ýnıversıtetiniń rektory Qanybek Isakov Akademııa ǵalymdaryna Qurmetti professor ataǵy berilgendigi týraly ýnıversıtet ǵylymı keńesiniń sheshimin kópshiliktiń aldynda oqyp berdi.
Sonymen qatar TWESCO-nyń baýyrlas halyqtardyń yntymaqtastyǵy men ǵylymı ıntegrasııany tereńdetýge aıryqsha úles qosyp otyrǵanyn atap ótti.
Sondaı-aq belgili túrkolog Qadyraly Qonqobaevty 70 jasqa tolǵan mereıtoıymen quttyqtady. О́z kezeginde TWESCO prezıdentiniń keńesshisi Erjan Isaqulov mereıtoı ıesiniń ıyǵyna Akademııa atynan shapan jaýyp, syı-sııapat jasady.