Osh qalasynda ótip jatqan II qazaq-qyrǵyz zııalylary forýmynyń ekinshi jumys kúni Qazaqstannyń halyq jazýshysy Sherhan Murtazany eske alýmen bastaldy.
Qyrǵyzstan Jazýshylar odaǵynyń tóraǵasy Akbar Rysqulovtyń bastamasymen forýmǵa qatysýshylar birneshe kún buryn ǵana ómirden ótken zańǵar jazýshyny bir mınýt únsizdikpen eske aldy.
Forýmǵa qatysýshylar Sherhan Murtazanyń ádebıet pen jýrnalıstıkadaǵy aıyryqsha ornyn atap ótip, jazýshynyń qazasy qazaq-qyrǵyzǵa birdeı ekendigin tilge tıek etti. Sondaı-aq, baýyrlas eki halyqtyń ádebıeti men mádenıeti de bite qaınasyp jatqanyna toqtaldy.
Forým barysynda qazaq pen qyrǵyzǵa ortaq tulǵalardyń tarıhta mol bolǵany da aıtyldy. Atap aıtqanda, «Eńsegeı boıly er Esim» degen atpen ult jadynda saqtalǵan Esim han baýyrlas qos halyq úshin de orny bólek tulǵa. Sonymen qatar, 90 jyldyǵy atap ótilip jatqan Shyńǵys Aıtmatovty ta qazaq-qyrǵyz joǵary baǵalaıdy. Jıynda eki halyqtyń taǵdyr-talaıyndaǵy osyndaı ortaq jaıttar sóz boldy. Forým sońynda arnaıy rezolıýsııa qabyldanady.