Elbasynyń tapsyrmasy boıynsha «Nur Otan» partııasy Joldaýda aıtylǵan basymdyqtardy, bes áleýmettik bastamanyjáne basqa da memlekettik baǵdarlamalardy iske asyratyny, sonymen birge olardyńoryndalýyna qoǵamdyq baqylaý júrgizetini belgili. Osyǵan oraı Memleket basshysynyńáleýmettik tapsyrmalarynyń oryndalý barysymen tanysý úshin «Nur Otan» partııasy Tóraǵasynyń Birinshi orynbasary Máýlen Áshimbaev Qyzylorda oblysyna arnaıy bardy.
Saıası keńestiń otyrysynda Elbasy, partııa Tóraǵasyeldegi jetekshi saıası kúshke Bes áleýmettik bastamany iske asyrýmen qatar,turaqty qoǵamdyq baqylaý júrgizýdi tapsyrdy. Nurotandyqtarǵa Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» jańa Joldaýyna qatysty da osyndaı mindet júkteldi.
Qyzylordada Máýlen Áshimbaev óńirdegi «7-20-25» baǵdarlamasynyń iske asyrylý barysymen tanysty. Atap aıtqanda, oblys ortalyǵynda Syrdarııa ózeniniń sol jaǵalaýyndaǵy qurylys barysyn qadaǵalap, salynyp jatqan kóp qabatty turǵyn úılerdi kórdi. «Nur Otan» partııasy Tóraǵasynyń Birinshi orynbasary qurylysshylarmen, ekinshi dárejedegi bank ókilderimen kezdesip, Joldaýdyń basymdyqtaryna nazar aýdardy.
– Joldaýda Memleket basshysy qoǵamda qyzý talqylanyp júrgen eń ózekti áleýmettik máselelerdi qamtyp, olardy sheshý úshin naqty sharalardy usyndy. Atap aıtqanda, halyqtyń ál-aýqatyn arttyrý, turmys-jaǵdaıyn jaqsartý, baspanaǵa qoljetimdilikti qamtamasyz etý, turǵyn úı-kommýnaldyq sharýashylyǵyndaǵy qordalanǵan máselelerdi sheshý, tarıfterdi shekteý, óńirlerdegi joldardy jóndeý, shaǵyn jáne orta bıznesti qoldaý jáne qoǵamdyq qaýipsizdik sekildi máseleler kóterildi. Sondyqtan Elbasynyń usynystaryn bir rettik emes, kerisinshe júıeli sıpatqa ıe dep aıtýǵa tolyq negiz bar. Sebebi, olardyń árqaısysynyń strategııalyq mańyzy zor,– dedi Máýlen Áshimbaev.
Qyzylorda oblysynda halyq sanynyń ósýine baılanysty turǵyn úı ózekti máselelerdiń qatarynda. Qazirdiń ózinde 27 myńnan astam adam turǵyn úı kezeginde tur. Atalǵan máseleni sheshý úshin munda 1532 ga jerge jańa aýdan salynýda. Onda turǵyn úıler, áleýmettik nysandar, saýda jáne keńse ǵımarattary, sondaı-aq jaǵalaý aımaǵyndaǵy qalalyqtardyń demalýy úshin saıajaılar, jelekjoldar ornalasatyn bolady. Bul jerde taıaý ýaqytta 320 oryndyq balabaqsha, jastar resýrs ortalyǵy, «Bolashaq» ýnıversıtetiniń bilim berý kampýsy, neke saraıy, kóp salaly emhanasy bar aýrýhana, fızıka-matematıkalyq mektep jáne otbasylyq medısına ortalyǵy boı kóteredi dep josparlanǵan. Búginde qajetti ınfraqurylymdardy (gaz, sý, elektr, jylý, jol) tartýǵa baılanysty jumystar júzege asyrylýda.
Qyzylorda oblysynda «Orda» turǵyn úı qurylysynyń «Jol kartasy» qolǵa alynyp, alǵashqy salymsyz-aq nesıege turǵyn úı satyp alýǵa jol ashyldy. Osylaısha, óńirde Prezıdenttiń Joldaýda aıtqan baspanaǵa muqtaj jandarǵa naqty kómek kórsetý týraly tapsyrmasy oryndalýda.
Elbasy ákimderge jeńildetilgen nesıe alý boıynsha alǵashqy salymdy jergilikti bıýdjet esebinen ishinara sýbsıdııalaý týraly máseleni pysyqtaýdy tapsyrǵan bolatyn. Mundaı turǵyn úı sertıfıkattaryn berý bilikti ustazdar, dárigerler, polıseıler jáne óńirge qajetti basqa da mamandar úshin ıpotekanyń qoljetimdiligin arttyra túsedi. Tap osyndaı bastamany nurotandyqtar «Prezıdenttiń bes áleýmettik bastamasyn» iske asyrylýyn baqylaý jónindegi Respýblıkalyq qoǵamdyq keńestiń otyrysynda jarııa etken edi.
Sapar barysynda Máýlen Áshimbaev jergilikti partııa aktıvimen kezdesti. Onda ol Prezıdent Joldaýyn, bes áleýmettik bastamany jáne basqa da memlekettik baǵdarlamalardy iske asyrýdaǵy «Nur Otan» partııasynyń róli, aqparattyq-túsindirý jumystaryn úılestirý, sondaı-aq Elbasy tapsyrmalarynyń oryndalýyna qoǵamdyq monıtorıng uıymdastyrý týraly áńgimelep berdi.
Ol «Nur Otan» partııasynyń strategııalyq kúsh jáne Memleket basshysynyń senimdi tiregi retinde Prezıdent tapsyrmalarynyń sapaly oryndalýyn qatań baqylaıtynyn, memlekettik organdardyń jumysyndaǵy kemshilikter týraly ashyq aıtatynyn, qandaı da bir memlekettik baǵdarlamalardyń oryndalý barysynda týyndaıtyn máselelerdi anyqtap otyratynyn erekshe atap ótti.
– Partııa Joldaýdaǵy basymdyqtardyń júzege asyrylýyna júıeli túrde qoǵamdyq baqylaý júrgizedi. Tek baqylap qana qoımaı, sol jumystarǵa tikeleı qatysatyn jáne sony qamtamasyz etetin basty kúshke aınalýdy kózdep otyrmyz. Bul – Elbasynyń bizge berip otyrǵan naqty tapsyrmasy. Qajet bolsa olqylyqtardy jergilikti atqarýshy organdar men Úkimettiń aldyna másele etip qoıyp, onyń ári qaraı sapaly jáne ýaqytyly oryndalýyn talap etý, tıimdi joldaryn kórsetý, barlyq iste tabandylyq tanytý da partııanyń mindeti bolyp sanalady. Sondyqtan «Nur Otan» Joldaýdyń júzege asyrylýyn qatań baqylaıdy,– dedi Máýlen Áshimbaev.
Osyndaı kezdesý 4,5 myńǵa jýyq turǵyny bar Syrdarııa aýdany, Shaǵan aýyldyq aımaǵynyń halqymen de boldy. Bul jerde «Nur Otan» partııasy Tóraǵasynyń Birinshi orynbasary Joldaýdy iske asyrý elimizdiń ár turǵynyna mańyzdy ekenin taǵy da atap ótip, strategııalyq qujatta qarastyrylǵan, búkil Qazaqstan boıynsha aýyl turǵyndarynyń ómir súrý sapasyna áser etetin birqatar áleýmettik-mańyzdy is-sharalarǵa toqtaldy. Atap aıtqanda, ol taıaý ýaqytta eń az mólsherdegi jalaqynyń 1,5 esege ósip, bilim berý men densaýlyq saqtaýǵa bólinetin qarajattyń kóbeıetinin, sondaı-aq eńbek ónimdiligi men aýyl sharýashylyq ónimderi eksporty aldaǵy jyldarda 2,5 esege artatynyna nazar aýdardy. Máýlen Áshimbaevtyń pikirinshe, Elbasy usynǵan áleýmettik is-sharalardy taıaý ýaqytta elimizdiń barlyq aýyl turǵyndary sezine bastaıdy.
– Qyzylordalyqtar Joldaýdyń kóptegen basymdyqtary boıynsha óz usynystaryn aıtyp, pikirlerin bildirýde. Aldaǵy ýaqytta olardyń bárin pysyqtap, memlekettik organdarmen aqyldasyp, olardy ári qaraı iske asyrylýyna qoldaý kórsetetin bolamyz. Iаǵnı ár usynys pen pikir jerde qalmaı, eskeriletin bolady,– dedi Máýlen Áshimbaev.
«Nur Otan» partııasy Tóraǵasynyń Birinshi orynbasary Qyzylordada jańa partııalyq bastamalardyń iske asýymen tanysty. Barlyq partııalyq jobalardy Saıası keńestiń ótken jolǵy otyrysynda Memleket basshysy qoldap, búginde olar búkil Qazaqstanda belsendi iske asyrylýda.
Mysaly, Máýlen Áshimbaev №3 aqparattyq-tehnologııalar mektep-lıseıinde boldy. Onda STEM júıesi boıynsha balalardy baǵdarlamalaý men robot tehnıkasynyń negizderi boıynsha oqytý úshin tegin IT-synyptar ashylǵan. Jyl sońyna deıin oqýshylardyń qamtylýy – 100 adamdy quraıdy. Ustazdarmen áńgimelesý kezinde ol oqytýshylardyń dárejesin kóterý týraly arnaıy zańnyń daıyndalyp jatqanyn eske saldy. Atalǵan zańda ustazdar men mektepke deıingi uıym qyzmetkerlerin yntalandyrý úshin barlyq yntalandyrýlar, júkteýdi azaıtý, olarǵa tıesili emes qyzmetterden shektek qarastyrylmaq.
Memleket basshysy Joldaýda jergilikti atqarýshy organdarǵa deneshynyqtyrýdyń kópshilikke qoljetimdiligin arttyryp, mektepterdegi sport qural-jabdyqtaryn tıimdi paıdalanyp, aýlalar, saıabaqtar, skverlerdi sportpen shuǵyldanýǵa yńǵaıly etip qaıta jabdyqtaýdy tapsyrdy.
Nurotandyqtar arnaıy partııalyq joba aıasynda bul jumysqa kirisip ketti. Jergilikti mektep-lıseıde demeýshilerdiń arqasynda sport alańy jańartyldy. Endi bul jerde oqýshylar ǵana emes, jaqyn mańaıdaǵy turǵyndar da fýtbol, voleıbol, basketbol oınap jáne basqa da sport túrlerimen aınalysa alady.
Búginde aımaqtaǵy 293 mektepte 682 sport alańy bar, onyń 91-i fýtbolǵa arnalǵan alań. 78-i jóndeýdi talap etedi. Qazirgi ýaqytta aımaqtaǵy partııalyqtar solardy qaıta jóndeý jumystaryn júrgizip jatyr. Bul jerde birtindep «Densaýlyq sabaqtary» atty taǵy bir partııalyq joba engiziletinin de atap ótken jón. Aımaqta barlyǵy 72 425 oqýshy jáne 3 myń bastaýysh synyp úshin tárbıe saǵattary, trenıngter, salamatty ómir saltyn nasıhattaıtyn synyptan tys sabaqtar júrgiziledi.
Máýlen Áshimbaev sonymen qatar, Qyzylorda oblystyq Á.Tájibaev atyndaǵy ámbebap ǵylymı kitaphanadaǵy kovorkıng-ortalyqtyń jumysymen tanysty. Kitaphanada book-kafe, kovorkıng-ortalyq, «Shańyraq» ıntellektýaldy ortalyǵy, Qazaqstannyń halyq jazýshysy Qaltaı Muhametjanovtyń jeke kitaphanasy, Qazaqstannyń halyq jazýshysy, aqyn Ábdildá Tájibaevtyń murajaıy, taǵy da partııalyq joba aıasynda 40 maman daıyndalyp jatqan IT-park bar.
Partııanyń bastamasy arqasynda dástúrli kitaphana jastardyń jańa jobalary men pikirlerin ortaǵa salatyn kovorkıng-ortalyq bolyp jumys istep tur. Qazirgi ýaqytta aımaqta 2 kovorkıng-ortalyq jumys istep, oblystyń aýdandarynda kitaphanalardy jańǵyrtý jumysy belsendi atqarylyp jatyr. Basqa biryńǵaı onlaın-kitaphana qurý partııalyq jobasy aıasynda tarıhı jáne mádenı qundylyqtardy kórsetetin qujattar sıfrlandyrylýda.
Aımaqta 209 kitaphana bar, onyń 129-y onlaın-kitaphana júıesine qosylǵan. Búginde sıfrly formatqa 5 463 dana kitap aýystyrylǵan. Bul jerde Máýlen Áshimbaev aımaqtyń 7 aýdanynda 350 balaǵa aǵylshyn tilin úıretip jatqan «English for Jastar» jobasynyń qatysýshylarymen kezdesti. Búgingi ýaqytta 11 «Bolashaq» baǵdarlamasynyń túlekteri jáne jasotandyq zamanaýı jáne sheteldik ádisteme arqyly oqýshylarǵa trenıngter men kýrstar ótkizýde.
Qyzylorda oblysynda «Nur Otan» partııasy Tóraǵasynyń Birinshi orynbasary kásipkerlerge qyzmet kórsetý ortalyǵynda bolyp, «Bızneske arnalǵan geoaqparattyq onlaın qyzmet» jobasymen tanysty.
Máýlen Áshimbaev Elbasynyń Joldaýda halyqty tolǵandyrǵan bıýrokratııa, jer jáne qurylys máselelerine toqtalǵanyn da eske saldy. Osy sebepten Memleket basshysy jer qory jáne jyljymaıtyn múlik nysandaryna qatysty biryńǵaı aqparattyq elektrondy formatqa 2019 jyly – 80%, al 2020 jyly 90% kóshirýdi usynǵan
«Bızneske arnalǵan biryńǵaı geoaqparattyq onlaın qyzmet» partııalyq jobasy aıasynda Qyzylordada barlyq kommýnaldy qyzmetterge (elektr jaryǵy, sý jylý júıesi) qosylýǵa ruqsat alatyn biryńǵaı aqparattyq júıe jasalǵan.
Ortalyq kásipkerlerge jer, arhıtektýra jáne qurylys, ınjenerlik kommýnıkasııalarǵa qosylý, memlekettik kiris t.b. suraqtar boıynsha «bir tereze» prınsıpinde qyzmet kórsetedi.
Osy jerde Qyzylordanyń 18 baǵyttan jáne 63 qabattan turatyn (densaýlyq, bilim berý, ınjenerlik júıeler t.b.) elektrondy kartasy jasalǵan. Kartanyń kómegimen Ortalyq «bir ótinish» prınsıpi boıynsha jer telimderine qatysty aqparattyń barlyǵyn bere alady. Sonymen qatar, Máýlen Áshimbaev oblystyq «Rýhanı jańǵyrý» ortalyǵy jáne «Qyzylorda tarıhy» murajaıyna bardy.