Qostanaıda ekinshi ret ótken ınvestısııalyq forýmnyń plenarlyq májilisinen keıin somasy 251 mlrd teńge bolatyn 19 ınvestısııalyq jobaǵa qol qoıyldy.
Oblys ákimi Arhımed Muhambetov aldymen Qytaıdyń avtomobıl shyǵaratyn Hangteng Auto Co. Ltd. kompanııasymen kelisilgen qujatqa qol qoıdy. Jalpy osy on toǵyz kelisimniń arasynda «Bio Grain»kompanııasy sekildi asa iri ınvestorlyq joba da bar. Bul kompanııa Qostanaıda dándi jáne maıly daqyldardy jetkize óńdep, odan maı, jarma, krahmal taǵy basqa suranysqa ıe jáne eksportqa baǵyttalǵan ónimder alatyn bolady. Hab Qostanaıdaǵy Indýstrııalyq aımaqqa ornalasady. Kompanııa kelesi jylǵy kóktemnen bastap, jobany júzege asyrýdy bastaıdy. Onyń quny 100 mlrd teńgege kórsetilip otyr. Memoarndýmda munan basqa Reseı kompanııalarymen de eki jaqty qol qoıyldy
Jalpy ótken jyly Qostanaıda ótken alǵashqy ınvestısııalyq forýmǵa 300 ınvestor qatysyp, quny 580 mln dollar bolatyn 26 memorandýmǵa qol qoıylǵan bolatyn. Olardyń barlyǵy búginde júzege asyp jatyr.
Názıra Járimbet,
«Egemen Qazaqstan»
Qostanaı