Qazaqstan Respýblıkasy Ulttyq qaýipsizdik komıteti 2018 jylǵy 10 qazanda Almaty qalasynda Ishki ister mınıstrligimen birlesip, Almaty oblysynyń turǵyny K. Álıev jetekshilik etken asa qaýipti qarýly uıymdasqan qylmystyq toptyń áreketin áshkerelep, jolyn kesti.
UQK «A» arnaýly maqsattaǵy qyzmetin tartýmen júrgizilgen arnaıy operasııa nátıjesinde qylmystyq top jetekshisi K. Álıev jáne onyń 5 belsendi múshesi: T. Álıev, A. Dartaev, D. Tereshın, S. Dıdık jáne J. Qaltaı ustaldy.
Qylmystyq toptyń negizgi quramy quqyq qorǵaý organdarynyń burynǵy qyzmetkerlerinen turǵany anyqtaldy, olar 2018 jylǵy 13 qyrkúıekte Jambyl oblysynyń Otar stansııasynda kásipker R. Agagýllınge qarýly qaraqshylyq shabýyl jasap, 107 myń AQSh dollaryn, 4 mln. reseılik rýbl men 23 myń eýrony ıelengen.
Tintý is-sharalary barysynda ustalǵandardan 8 pıstolet pen myltyq, 140 dana oq-dári, radıostansııalar, jalǵan avtomobıldik tirkeý belgileri, matadan jasalǵan betperdeler, kisender men qaraqshylyq shabýyl jasaýǵa arnalǵan basqa da quraldar tabyldy jáne alyndy.
Qazirgi ýaqytta tergeý-jedel is-sharalary júrgizilýde.