2018 jyldyń 1 qyrkúıeginde Qazaqstanda halyq sany 18 mln 311,7 adam boldy. Bul ótken jyldyń 1 qyrkúıegimen salystyrǵanda 237,6 myń adamǵa kóp nemese 1,3 paıyz ósken, dep habarlaıdy Ulttyq ekonomıka mınıstrliginiń Statıstıka agenttigi.
Eseptik kezeńde qala turǵyndarynyń sany 10 mln 555,8 myń adam nemese 57,6 paıyz, al aýyl halqynyń sany 7 mln 755,9 myń adam nemese 42,4 paıyzdy quraǵan. 2018 jyldyń qańtar, tamyz aılary aralyǵynda elimizge kelip tirkelgender sany 2017 jylǵy kórsetkishten 22 paıyz azaıyp, kóship ketkender sany 13,9 paıyzdy qurady.
Negizgi mıgrasııalyq kóshi-qon TMD elderi boıynsha ótip jatyr. TMD elderinen kelgen adamdar úlesi 77,9 paıyz, kóship ketkender úlesi - 90,8 paıyz boldy.