«Batys» óńirlik qolbasshylyǵynyń barlyq áskerı bólimderinde 2018 jylǵy kúzgi shaqyrýǵa jas tolymdy qabyldaýǵa jappaı josparly daıyndyq júrgizildi.
Áskerı qalashyqtarda qyzmettik úı-jaılar men ǵımarattardyń profılaktıkalyq jóndeýi júrgizildi, kazarmalar qajetti múkámmal jáne múlikpen tolyq jabdyqtaldy, sabaqtardy ótkizý úshin oqý-materıaldyq baza jańartyldy.
Kelgen jas tolymmen áskerı psıhologtar saýalnama jáne testileý júrgizip, sodan keıin bólimshelerdiń komandırleri úshin jeke qurammen jumys jasaý úshin jeke usynymdardy ázirleıdi.
«Batys» óńirlik qolbasshylyǵy áskerleri qolbasshysynyń tárbıe jáne ıdeologııalyq jumystary jónindegi orynbasary podpolkovnık Serik Seıitbaevtyń aıtýy boıynsha, áskerı bólimderge kelgen soń jas tolym jabdyqtalymnyń barlyq túrlerine qoıyldy jáne bólimsheler boıynsha bólindi. Bólý kezinde qaıta tereńdetilgen medısınalyq tekserý jáne psıhologııalyq testileý júrgiziledi. Jas tolymdy zerdeleý kezinde bilim deńgeıi men mamandyqtyń bolýyna, minez-qulyq erekshelikteri men iskerlik qasıetterine, ár áskerı qyzmetshiniń jeke erekshelikterine erekshe nazar aýdarylady.
Jańa jaǵdaıǵa beıimdelý úshin jas tolymmen jalpyáskerı daıyndyq kýrsy ótkiziledi. Onyń barysynda kelgen áskerı qyzmetshiler jalpyáskerı daıyndyq negizderin zerdelep, kúndelikti qyzmettiń ár túrinde is-qımyl jasaý mashyǵy men bilimdi jınaqtaıdy.
Kýrs aıaqtalǵan soń merzimdi qyzmettegi áskerı qyzmetshiler Áskerı ant qabyldaıdy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy