Ulybrıtanııanyń Eýroodaqtan shyǵýyna baılanysty Brıýssel men London birqatar mańyzdy máseleler boıynsha kelisimge qol jetkize almaı otyr. Bul týraly jeksenbi kúni óziniń tvıtterinde Mıshel Barne jazdy: «Biz búgin Domınık Raabpen jáne brıtandyq kelissózshiler tobymen kezdestik. Barymyzdy salsaq ta, birqatar ózekti máseleler áli de sheshilmedi. Onyń ishinde Irlandııa shekarasy jaıly másele de bar».
Esterińizge sala ketsek, eki jaq kelisimge keldi dep aqparat taraǵannan keıin, eki tarap muny joqqa shyǵardy. Eýroodaq quramynda qalatyn Irlandııa men Eýroodaqtan Ulybrıtanııamen birge shyǵatyn Soltústik Irlandııa arasyndaǵy shekara máselesi Breksıt sharttaryn talqylaý barysyndaǵy eń ótkir másele bolyp qala bermek.
AFP agenttiginiń málimetinshe, bul másele boıynsha aldaǵy kelissózder sársenbi kúni keshke bastalatyn EO sammıtine deıin naqtylanbaıdy.