Ornyqty damýdyń baǵdary - Tadeýsh Shozda

Atalǵan qujat qoǵamdaǵy bar­lyq adamdardyń ıgiligin kózdeı­tin­digimen qundy. Onda 2019 jyl­dyń 1 qańtarynan bastap eń tó­mengi jalaqyny birden 1,5 esege ósirý qajettigi atap kórse­til­gen. Bul eldegi 1 mln 300 myń adamnyń eńbekaqysyna tike­leı qatysty. Bul sharany Qa­zaqstannyń 2050 jylǵa deıin álemniń damyǵan 30 eliniń qataryna qosylý baǵytyndaǵy strategııalyq maqsatyn júzege asyrýdaǵy mańyzdy qadam dep esepteımin.

Joldaýda adamnyń ómir súrý deńgeıin arttyrýdy kózdeıtin maqsat-mindetter naqtylanǵan. Osy oraıda qaýipsiz ómir súrý, bas­pana, sapaly bilim alý, den­saý­lyq saqtaý salalarynyń qol­jetimdiligi mańyzdy bolyp tabylady. 

Halyqtyń suranysyn qana­ǵat­tandyrýda, azamattardyń ómir súrý deńgeıin kóterýde zamanaýı, kásibı memlekettik apparattyń róli erekshe. Osyǵan baılanys­ty Joldaýda memlekettik organ­dardyń tıimdiligin arttyrý, sybaılas jemqorlyqpen kúresti kúsheıtý, formalızm men bıýrokratııa­ny azaıtý, memlekettik qyzmetterdi kórsetýdiń jańa tá­sil­derin qoldaný syndy máse­leler oryndy kóterilgen.

El aldyna qoıylǵan basty min­det­terdi júzege asyrýda tıimdi syrtqy saıasattyń mańyzy zor. Sondyqtan Joldaýda atap kórsetilgendeı, qazirgi kúr­deli jaǵdaıda Qazaqstan Res­pýb­lı­kasynyń syrtqy saıa­saty beıim­delýdi jəne ulttyq múddeni prag­matızm qaǵıdattaryna səıkes ilgeriletýdi talap etedi. 

Ərbir qazaqstandyq júrgizilip jat­qan reformalardyń mənin jə­ne olardyń eldi órkendetý jo­lyn­daǵy mańyzyn jete túsinýi tıis.

Joldaýmen tanysqan árbir adam onda kóterilgen árbir má­seleni eńserý joldarynyń eg­jeı-tegjeıli ári keshendi túrde zer­delengenin anyq ańǵarady. 

Meni kólik salasynyń mamany retinde Qazaqstandaǵy tasymal salasyna qatysty kórsetkishtermen atqarylǵan jumystar qy­zyq­­tyrady. Sońǵy jyldary Qazaq­standa «Nurly jol» baǵdar­lama­synyń arqasynda respýb­lıkalyq mańyzy bar ınfra­qu­rylym qalyptasty. 2015 jyldan bastap 2400 shaqyrym avtomobıl joly salyndy jəne qaıta jóndeldi. Bul jumystar jalǵasýda.

Qoryta aıtqanda, Joldaýdan týyn­daıtyn áleýmettik-eko­no­mıkalyq maqsat-mindetterdi oryndaýda Qazaqstan halqyna jáne Prezıdent Nursultan Nazarbaevqa tek tabys tileımin.

Tadeýsh ShOZDA,

Temir jol yntymaqtastyq uıymy komıtetiniń tóraǵasy (Polsha)