Sporttyń jekpe-jek jáne kúsh qoldanylatyn túrleri boıynsha konfederasııa kýbogynyń irikteý týrynda Aqmola, Qyzylorda, Túrkistan jáne Soltústik Qazaqstan komandalary ózara kúsh synasty.
Jarystyń ashylý saltanatynda deneshynyqtyrý jáne sport basqarmasynyń basshysy Rýslan Esenalın osymen úshinshi ret ótkizilip otyrǵan aıtýly shara óńiraralyq básekelestik ortaǵa aınalǵanyn, alǵash ret boıjetkender baq synaıtyn ereksheligin, Konfederasııa arasynda qol qoıylǵan memorandýmǵa oraı jergilikti jerlerde sport túrleri keńinen óris alǵanyn atap ótti.
Boz kilemge birinshi bolyp taekvondoshylar shyqty. «Kúsh atasyn tanymas» demekshi, túrkistandyqtar qyzylordalyqtardan aılasyn asyrdy. Olar basqa qarsylastaryn da tize búktirip, birinshi oryndy ıelendi. Erkin kúresten de mereıleri ústem boldy. Grek-rım kúresinen alań ıeleri aqmolalyqtardan jeńilis tapqanymen, qalǵan beldesýlerde esesin jibermegen kúıi jeńistiń eń bıik tuǵyryna kóterildi. Dzıýdodan Syr boıynyń ókilderi aldaryna jan salmady.
О́mir ESQALI,
«Egemen Qazaqstan»
Soltústik Qazaqstan oblysy