Kerch qalasyndaǵy polıtehnıkalyq kolledjde jarylys boldy. tótenshe jaǵdaı saldarynan 19 adam qaza tapty, dep habarlaıdy TASS.
Tergeý komıteti jarylys faktisi boıynsha qylmystyq is qozǵady. Lańkestikke qarsy Ulttyq komıtettiń málimetinshe, oqıǵa saldarynan 50-ge jýyq adam zardap shekken.
«Kolledjge jaqyn aýmaq qorshaýǵa alyndy, ǵımaratta bolǵan adamdardy qaýipsiz jerge kóshirý bastaldy. Zardap shekkender qalanyń medısınalyq mekemelerine jetkizildi. Olarǵa qajetti medısınalyq jáne psıhologııalyq kómek kórsetilip jatyr», dedi komıtet qyzmetkerleri.
Qaladaǵy qoǵamdyq kólik jarylystan zardap shekkenderdi tasymaldaý úshin qoldanylýda. Qalalyq Kólik basqarmasynyń Jolaýshylardy tasymaldaý bóliminde kólik quraldarynyń sanyn naqtylaǵan joq. Komıtettegilerdiń aıtýynsha, Kerchte anyqtalmaǵan jarylǵysh qural jarylǵan.
Qyrym basshysy Sergeı Aksenovtyń aıtýynsha, shabýyl jasaǵan kúdikti kolledj oqýshysynyń biri bolǵan. Mundaı jarylystyń qaıtalanbaýy úshin tıisti sharalar qoldanylyp jatyr.