Elbasymen – erteńge!

Qazaqstandyqtar Memleket basshysynyń Táýelsizdiktiń 20 jyldyǵyna arnalǵan saltanatty jınalysta sóılegen sózine ún qosady

* * *

AQSAQALDAR ALǴYS AITADY

Bizdiń qoǵamdyq uıym osydan birer jyl buryn ǵana qurylǵan edi. Oǵan  tómen­de­gideı jaǵdaı sebep boldy. Iаǵnı, sonaý toq­sanynshy jyl­dar­daǵy qıyndyq kezinde aýyl turǵyndarynyń qalaǵa qaraı aǵylyp kóship kelgeni belgili. Sonyń ishinde kezinde aýylda túrli qyzmet atqaryp zeınetke shyqqan ardager aqsaqaldar da kóp boldy.  Al qalaǵa kelgen soń ózim­izdi eshkimge kereksiz sezindik. Sonsoń qoǵamnan tys­qa­ry qalǵandy jón kórmeı «Aqyl­das­tar» degen atpen aýyl ar­dagerleriniń birlestigin qurǵan edik.

Búginde zańdy túrde tirkelgen qoǵamdyq birlestigimizdiń 120-dan astam turaqty múshesi bar. Bir sózben aıtqanda, qalaǵa óńirimizdiń barlyq jerinen kelgen ardagerler qamtylǵan. Qala, el ómirindegi oqıǵalardan syrt qalyp otyrǵan joqpyz. Jas urpaqty otansúıgishtik sezimge baý­lý, ulttar arasynda dostyq pen birlikke dáneker bolý, hal­qymyzdyń salt-dástúrin nasıhattaý, memlekettik tildi damytýǵa qolymyzdan kelgenshe járdem­de­sý jáne taǵy basqa máseleler basty nazarymyzda. Sony eskergen bolar, qalalyq ákimdik birlestikti qyzmet kabınetimen qam­ta­masyz etti. Onyń syrtynda birlestiktiń 12 belsendi múshesi mere­kelik medalmen marapat­tal­dy. Sonyń bári qosyla kelgende kóńili­miz­di kóterip, ómirge qush­tar­ly­ǵy­myzdy arttyra túsýde.

Onyń ústine el ómirindegi oń­dy ózgeris-ja­ńa­lyqtar jigerimizge jiger qosýda.  Oń­dy ózgeris demekshi, sonyń ná­tı­jesinde zeınet­aqy­myz jyl saı­yn kóterile túsip keledi. Elbasymyz Táý­el­sizdiktiń 20 jyl­dy­ǵyna oraı sal­ta­nat­ty jıynda ja­sa­ǵan baıandama­syn­da sonaý toq­sanynshy jyl­dar­dyń ortasynda zeınetaqy mól­sheri nebári 29 dol­lar quraǵany týraly aıta kelip, qazirgi ońdy ózgerister týraly da aıtty.

Mine, endi, jańa jyldan zeı­netaqy mólsheri taǵy da toǵyz paıyzǵa artyp otyr. Sol úshin aqsaqaldar Elba­syna aq al­ǵystaryn aıtady. Mynadaı álem­dik daǵdarys kezinde qart­tarǵa udaıy qamqorlyq tanytyp kele jat­qan memleketter kóp emes. Sonyń biri bizdiń el ekendigine kóńiliń marqaıady. Son­dyq­tan táýbemizdi umyt­paıyq, aǵaıyn deımin!

Saǵyndyq BEISENBAEV, «Aqyldastar» aýyl ardagerleri qoǵamdyq  birlestiginiń tóraǵasy.

SEMEI.