Búgin Májilis Tóraǵasy Nurlan Nyǵmatýlın Pavlodar oblysyna jumys saparymen bardy.
Kezdesýdiń basty maqsaty – Elbasynyń Joldaýyn eńbek ujymdarymen jáne turǵylyqty halyqpen kezdesip, talqylaý. Palata Spıkeri qazaqstandyq «Elektrolız» zaýytynda bolyp, kásiporynnyń jumysymen tanysyp, iri ónerkásip nysandarynda boldy.
О́ndiristik qýattylyǵy jylyna 250 myń tonna ónim óndiretin zaýyt alıýmınıı, tehnologııalyq alıýmınıı quımalaryn shyǵarady. Ishki naryqtan basqa, ónimder álemniń 20-dan astam eline, sonyń ishinde Reseı, Belarýs, О́zbekstan jáne Eýropa elderine jóneltiledi.
Jyldan jylǵa óndiristik qýattylyǵyn artyp kele jatqan zaýyttyń ashylýyna on jyl buryn Memleket Basshysy Nursultan Nazarbaev ózi bastamashy bolǵan. Sondyqtan da, Elbasynyń barlyq bastamalary zaýyt ujymy tarapynan erekshe qoldaý tabady. Kásiporynnyń qyzmetkerleri Prezıdenttiń bastamalaryna belsendi túrde óz úlesterin qosýǵa daıyn.
Palata Spıkeri aldaǵy ýaqytta óńdeýshi ónerkásipti qoldaýǵa erekshe nazar aýdarylatynyn, sondaı-aq, jańa tehnologııalardy damytýǵa zor kóńil bólingenin aıtty. Májilis Tóraǵasy odan ári Joldaýdyń basym baǵyttaryna toqtala kelip, ol búkil halyqtyń, árbir shańyraqtyń, árbir azamattyń jaǵdaıyn jaqsartýǵa arnalǵanyn atap ótti.
Onda eń aldymen áleýmettik salanyń mańyzdy mindetteri, otbasy, turǵyn úı, shaǵyn bıznes, eńbekaqy, jastar, aýylsharýashylyǵy, quqyq qorǵaý júıesin jańǵyrtýdyń joldary kórsetildi.
Eń bastysy - olardyń barlyǵy oryndalatyn, naqty jáne qajetti maqsattar. Osyndaı naqty josparǵa qurylǵan, halqymyzdyń, elimizdiń ıgiligin kózdeıtin, iri isterge jol ashatyn Joldaýdy oryndaýǵa belsene qatysý – árbir azamattyń abyroıly mindeti ekenin aıtqan N. Nyǵmatýlın bul depýtattyq korpýstyń zań shyǵarý jumysynyń da eń negizgi baǵyty ekenin atap ótti.