Búgin, 2018 jyldyń 18 qazanynda, Qarjy mınıstri Smaıylov Álıhan Ashanuly Memlekettik kirister komıtetiniń ujymyna jańa Tóraǵany tanystyrdy. Komıtettiń Tóraǵasy bolyp Marat Eleýsizuly Sultanǵazıev taǵaıyndaldy, dep habarlaıdy qarjy mınıstrliginiń baspasóz qyzmeti.
Osy laýazymǵa taǵaıyndalǵanǵa deıin Marat Sultanǵazıev Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary bolyp qyzmet atqarǵan.
Marat Eleýsizuly Sultanǵazıev 1976 jyly Almaty oblysynda dúnıege kelgen.
Bilimi – ekonomıst-qarjyger, zańger, iskerlik ákimshilendirý magıstri, Abaı atyndaǵy Almaty memlekettik ýnıversıtetin, Qazaq memlekettik zań akademııasyn, T.Rysqulov atyndaǵy Qazaq ekonomıkalyq ýnıversıtetin támamdaǵan.
Eńbek jolyn Almaty qalasynda salyq organdary júıesinen bastap, ár túrli laýazymdarda uzaq ýaqyt qyzmet etken. Keıinirek, Qarjy mınıstrliginde departament dırektory, odan soń - Qazaqstan Respýblıkasy Prezıdenti Ákimshiliginiń Áleýmettik-ekonomıkalyq monıtorıng bóliminiń sektor meńgerýshisi, ótken jyly Almaty qalasy boıynsha Memlekettik kirister departamentin basqarǵan.