Taıland úkimeti 21 eldiń azamattary úshin vıza tólemin joıýdy josparlap otyr, ol elderdiń qatarynda Qazaqstan da bar, dep habarlaıdy Bangkok Post.
2018 jylǵy qarasha-jeltoqsanda Taılandqa barý úshin vıza talap etiletin 21 memlekettiń týrısteri vıza tóleminen bosatylady.
Taıland bıligi azaıa bastaǵan týrıster aǵynyn qaıta jandandyrý úshin osyndaı shara qoldanbaq. Úkimet jáne osy bastamany kóterip otyrǵan premer-mınıstrdiń orynbasary Somkıd Djatýprıpıtak týrısterdiń qaıta aǵylyp keletinine úmit artyp otyr. Olardyń josparlaýynsha, jyldyq kórsetkish 40 mıllıon adamǵa jetýi tıis. Olardyń pikirinshe, vıza tóleminiń joıylýynyń arqasynda, basqasyn bylaı qoıǵanda, tek Qytaıdyń ózinen jylyna 12 mıllıon adam Taılandqa saıahattaıdy.
Qazirgi kezde vızanyń tólemi 2 000 bat nemese 22 000 myń teńge. Al Taılandtyń jekemenshik týrıstik operatorlary aldaǵy alty aıda el qaýipsizdigine kúmán týyndaý saldarynan Qytaıdan keletin týrıster aǵyny 1 mıllıon adamǵa azaıýy múmkin. Qytaıdan keletin týrıster aǵynynyń kúrt qysqarýy Taıland ekonomıkasyna aıtarlyqtaı áserin tıgizedi. Aıta keteıik, týrızm Taıland jalpy ishki óniminiń 20 paıyzyn quraıdy.