Kerch qalasynda qaza tapqandardyń ishinde qazaqstandyqtar joq, dep habarlaıdy QR SIM baspasóz qyzmeti.
«Zardap shekkender men kóz jumǵan adamdardyń ishinde qazaqstandyqtar joq. Qazaqstannyń atynan Kerchte qaıtys bolǵandardyń týǵan-týystaryna, jaqyndaryna kóńil aıta otyryp, jaraqat alǵandardyń tezirek saýyǵyp ketýin tileımiz», - delingen QR Syrtqy ister mınıstrliginiń habarlamasynda.
Eske sala ketsek, 17 qazanda Kerch qalasyndaǵy polıtehnıkalyq kolledjde atys jáne jarylys boldy. Aldyn ala aqparatqa sáıkes, 10 adam qaza bolyp, 20-dan astamy aýrýhanaǵa jetkizilgen. Keıin Kerchte qaza bolǵandar sany 20 adamǵa jetkendigi týraly habar tarady.
Oqıǵaǵa sáıkes Qyrymda 18 qazannan bastap úsh kún aza tutý kúnderi bolyp jarııalandy.