Qazaqstanda Ishki ister departamentteri QR Úkimetiniń 2018 jylǵy 16 qazandaǵy № 637 qaýlysyna sáıkes Polısııa departamenti bolyp ózgertildi, dep habarlaıdy QR Normatıvtik quqyqtyq aktileriniń aqparattyq-quqyqtyq júıesi.
Budaı bylaı máselen, QR Ishki ister mınıstrligi Astana qalasynyń Ishki ister departamenti QR Ishki ister mınıstrligi Astana qalasynyń polısııa departamenti bolyp atalady.
Nemese QR IIM Aqtóbe oblysynyń Ishki ister departamenti QR IIM Aqtóbe oblysynyń polısııa departamentine aınaldy. Osylaısha, barlyq oblystyń departamentteri qaıta atalady.
Sáıkesinshe, respýblıkanyń túgel qalalyq ishki ister basqarmalary men aýdandyq ishki ister bólimderi polısııa basqarmalaryna jáne polısııa bólimderine aınalady.
Sondaı-aq, QR IIM Kóliktegi ishki ister departamenti QR IIM Kóliktegi polısııa departamenti bolyp ózgertildi. Aıta keteıik, Prezıdent Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty bıylǵy Joldaýynda quqyq qorǵaý organdarynyń jumysyna tereń jáne sapaly ózgerister qajettigin aıtqan edi.
Elbasy Úkimetke Prezıdent Ákimshiligimen birlesip, «Ishki ister organdaryn jańǵyrtý jónindegi jol kartasyn» qabyldaýdy tapsyrdy.
Reformalar 2019 jyldyń 1 qańtarynan bastap júzege asyryla bastaýy tıis.