Qutqarýshylar merekesi qarsańyńda saltanatty túrde ashylǵan Eske alý monýmenti Aqtaý qalasyn qorǵaýǵa arnalǵan №1 arnaıy mamandandyrylǵan órt sóndirý bóliminiń aýmaǵyna qoıyldy. Saltanatty jıynǵa qyzmetkerler, azamattyq qorǵaý ardagerleri men qalalyq bılik ókilderi, qaza tapqan órt sóndirýshilerdiń týystary men jaqyndary qatysty.
Oblys ákiminiń birinshi orynbasary Serik Qaleshuly Amanǵalıev óz sóz kezeginde órt sóndirýshiler men qutqarýshylar adamdarǵa eshqashan beı-jaı qaramaıtyn, árdaıym kómektesýge daıyn adamdar ekendigin aıta kelip, qyzmette júrgen barlyq órt sóndirýshilerge alǵysyn bildirdi. Sonymen qatar, osy eskertkishtiń ashylýy aımaq úshin mańyzdy oqıǵa ekenin de atap ótti.
«Bizdiń ómirimizdi jáne múligimizdi saqtaıtyn, búkil ómir boıy bizdiń gúldenýimiz úshin kúresetin órt sóndirýshilerdi biz erekshe qurmetteımiz jáne qazir janymyzda joq bolsa da júregimizde qalǵan, ómirden ótken órt sóndirýshilerdiń jaqyndary men týystaryna bas ıemiz», dep sózin aıaqtady oblys basshysynyń orynbasary.
Mańǵystaý oblysy Tótenshe jaǵdaılar departamentiniń bastyǵy, azamattyq qorǵaý polkovnıgi Qýanar Bekenuly Bazarbaev osy eskertkishtiń ashylýymen biz ýaqytty, tarıhymyzdyń sabaqtastyǵyn qalpyna keltiremiz. Biz ben sizder úshin, eń birinshi óz ómirin órtten qorǵaýǵa arnaǵan ómirde joq áriptesterimizdiń bolashaq urpaqtary men jaqyn- týystaryna máńgi laıyqty qurmet kórsetýdiń mańyzy zor ekendigin barlyq qatysýshylarǵa jetkizdi.
Jıynǵa qatysýshylar qaza bolǵandardy 1 mınýt únsizdikpen eske alyp, eskertkish manýmenti janyna gúl shoqtaryn qoıdy.