Oblys ortalyǵyndaǵy Estaı atyndaǵy mádenıet saraıynda ótken hor kópshilikke jaqsy rýhanı áser qaldy. Hordyń konserti Astananyń 20 jyldyǵy men TÚRKSOI-dyń 25 jyldyǵyna arnaldy.
Jastar kameralyq hor quramynda 32 jas ónerpaz bar. Jastar hory hormeıster Gúlmıra Quttybadamova jetekshiligimen 20-ǵa jýyq ánder oryndady. Osy keshte túrki halyqtarynyń hor ujymy qyrǵyz, ázerbaıjannyń tatardyń túriktiń túrikmenniń ózbek halyqtarynyń tilinde ánder shyrqady.
Jalpy, TÚRKSOI Jastar kameralyq hory óner qaıratkeri Dúısen Qaseıinovtiń bastamasy boıynsha 2015 jyly qurylǵan. Ázirbaıjan, Qazaqstan, Qyrǵyzstan, Tatarstan, Túrkııa elderinen mýzykalyq akademııa, konservatorııa túlekteri men shákirtterinen quralǵan.
Árıne kúndelikti kelip-ketip jatatyn ý-shý, ánshilerdiń jeńil-jelpi keıbir ánderine qaraǵanda, Túrki tilinde ánder oryndaıtyn hordyń áýendi parasaty erekshe, ózgeshe bólek. Basqa bir álemde otyrǵandaı rýhanı kúı keship, demalasyń.
Hor ujymy Azııa jáne Eýropa elderinde de óner kórsetedi. Hor repertýarynda negizinen Túrki halyqtarynyń ánderinen, Túrki elderi zamanaýı kompozıtorlarynyń shyǵarmalarynan,batys eýropalyq hor mýzykasynyń týyndylary bar.
Oblys ákimi Bolat Baqaýov ta hor konsertin tamashalap, áserli mýzyka keshi úshin alǵysyn bildirip, jastar kameralyq hor ujymyna shyǵarmashylyq tabys tiledi.
Farıda BYQAI,
«Egemen Qazaqstan»
PAVLODAR
Sýretti túsirgen Valerıı Býgaev