Keshe Úndistanda merekede toılap júrgen halyqty poıyz basyp ótken bolatyn. Oqıǵa ornynda jaralanǵandar men qaza tapqandar arasynda Qazaqstan azamattary joq. Bul týraly QR Syrtqy ister mınıstrliginiń baspasóz qyzmeti málimdedi.
«Úndistan Tótenshe jaǵdaılar mınıstrliginiń aldyn ala habarlaýynsha, zardap shegýshiler arasynda Qazaqstan azamattary joq», - dedi Syrtqy ister mınıstrliginiń baspasóz hatshysy Aıbek Smadııarov.
Eske sala ketsek, Úndistanda poıyz merekege qatysyp jatqan halyqty basyp ótkenin habarlaǵan edik. Oqıǵa Úndistannyń soltústigindegi Pendjab shtatynyń Amrıtsar qalasynda bolǵan. Poıyz meıramdy toılap jatqan halyqty basyp ótip, saldarynan 60 adam mert bolǵan. 100-ge jýyq adam jaraqat alǵan.