Qostanaı men Rýdnyı qalalary ishki ister basqarmalarynyń operatorlary úshin arnaıy sózdik qurylǵylar, ıaǵnı skrıpter jasalatyn bolady. Polıseıler jumysynyń ereksheligine baılanysty psıhologtar jasaǵan bul ozyq tájirıbe jóninde Oblystyq ishki ister departamentindegi semınarda aıtyldy.
Oblystyq ishki ister departamenti Jedel josparlaý basqarmasynyń bastyǵy Pavel Baksaraevtyń aıtýynsha, «102» nomerine qostanaılyqtardan kúnine 500 qońyraý túsedi. Adamdardyń amandyǵy men qylmyskerlerdi tez quryqtaý polıseıdiń aqparatty tez qabyldap, keshendi sharalar qabyldaýyna tikeleı baılanysty.
«Polıseı telefonnyń ar jaǵynan aıtylǵan aqparatty 5 mınýttyń ishinde alýy tıis.Sondyqtan polıseı sózdi ornymen qoldanýyn, bolǵan oqıǵa týraly neni suraýyn bilýi, telefon shalǵan adamdy jubatyp jáne qylmysty aldyn alýy tıis. Sondyqtan biz birinshi ret ádistemelik usynym jasaý úshin tájirıbeli psıhologtarǵa júgindik» deıdi Pavel Baksaraev.
Oblysta óte tájirıbeli psıhologtardyń ózi polıseılermen birinshi ret jumys istedi.
«Telefondaǵy áńgimeniń anyq jasalǵan algorıtmi polıseıdiń oqıǵa týraly aqparatty tez, jedel alýyna jáne olardyń asyp-saspaı, sabyrlylyq tanytýyna oń yqpal etedi» deıdi «102» operatorlarynyń semınarǵa qatysqan kýratory Gúldana Qabdyrahmetova.
Názıra Járimbet,
«Egemen Qazaqstan»
Qostanaı