Oblys ortalyǵyndaǵy «Orman jáne janýarlar álemin qorǵaý jónindegi» mekemege qarasty Pavlodar, Jańaaýyl, Chernoresk, Iаmyshev, Chernoe jáne Kóktóbe ormanshylyqtary bar.
Maqsat − óńirdegi orman qoryn qorǵaý, saqtaý, aǵashtardy ósirý, janýarlar álemin qorǵaý, olardyń ósimin kóbeıtýge úles qosý.
Bıyl óńirde «Ekologııa jyly» dep jarııalaǵandy. Osy bastamaǵa oraı oblys ortalyǵyna qarasty ormanshylyqta 9,5 gektar jerge qaraǵaılar otyrǵyzyldy. Ormanshylar jańa egilgen qaraǵaılardy jaz boıy kútip, baptapty. Ormanshylyqtar qaraýyndaǵy 9799 gektar jerdi kútip, baptaıdy, kúzetedi. О́rtten, zańsyz aǵash kesýshilerden, ań aýlaýshylardan qorǵaıdy. Orman jáne janýarlar álemin qorǵaý jónindegi mekemege qarasty aýmaqta ań aýlaýǵa tyıym salynǵan.
Sondyqtan, deıdi ormanshylar, - jergilikti ákimdik, tótenshe jaǵdaı, jergilikti polısııa, ormanshylyq basqarmasynan quralǵan oblystyq shtab qurylsa degen usynys aıtady.
Ormanshylar zańsyz aǵash kesý, orman órtinen basqa, ormandy mekendeıtin janýarlardy qorǵaýǵa shaqyrady. Aǵash arasynda jabaıy dońyz, eshki, túlki men qoıan, basqa da janýarlar bar. Qazir ormanshylar janýarlardyń azyǵyn daıyndaýǵa kirisip ketipti.
− Janýarlarǵa qys kezinde qardyń astynan azyq tabýy qıyn. Sondyqtan, bıotehnıkalyq sharalar aıasynda 300 keli tuz, aǵash butaqtarynan býyp jasalǵan 1600 dana azyq, 6 tonna shóp daıyndaldy. Kúzde jaýynnan, qysta aıazdan, borannan qorǵaıtyn kúrkeler jasaldy. Ańdardyń azyǵyna laıyqty kesilgen aǵashtardyń dińgekteri oıylyp, arnaıy astaýlar ilinip, jem-shóp salynady, deıdi ormanshylar.
Farıda BYQAI,
«Egemen Qazaqstan»
Pavlodar