Batys Qazaqstan oblysyna barǵan saparymyzdaǵy aımaq turǵyndarymen ótkizgen kezdesýlerdiń barysynda uzaq jyldar boıy túpkilikti sheshimin tappaı kele jatqan máseleler kóterilgen bolatyn.
Sonyń ishinde Qaztalov aýdanyndaǵy «Fomın» jáne Bókeıorda aýdanyndaǵy «Molodost» jeńildetilgen ótkizý pýnktteriniń mártebesine qatysty másele ózekti bolyp otyr eken. Sebebi búgingi qoldanylyp jatqan jeńildetilgen ótkizý pýnktteri shekaraǵa jaqyn ornalasqan eki eldiń turǵyndary úshin baryp-qaıtý máselesin ǵana qamtyp, kásipkerlikti damytý máselelerinde qıyndyqtar týyndap jatyr.
2016 jyldyń qazan aıynda ótken Qazaqstan men Reseı arasyndaǵy HIII aımaqaralyq yntymaqtastyq forýmynda Qazaqstan Respýblıkasynyń Prezıdenti N.Nazarbaev Qazaqstan-Reseı shekarasyndaǵy baqylaý-ótkizý beketterin jańǵyrtý, sondaı-aq «Fomın» jáne «Molodost» jeńildetilgen ótkizý pýnktteriniń mártebesin ekijaqty avtomobıl ótkizý pýnktteri etip ózgertý týraly tapsyrma bergen bolatyn. Osy atalǵan tapsyrmany oryndaý maqsatynda Batys Qazaqstan oblysynyń ákimdigi múddeli ortalyq memlekettik organdarmen birlese otyryp, birqatar jumys júrgizdi. Osy másele boıynsha Reseı Federasııasynyń múddeli organdarynyń kelisimi kútilgen edi, alaıda Reseı sheshim qabyldaýdy keıinge qaldyryp otyr.
Atalǵan máseleni tezirek sheshý memleketaralyq yntymaq-
tastyqty ári qaraı jalǵastyrýǵa jáne eki el turǵyndary qarym-qatynasynyń jaqsarýyna, kásipkerlikti damytýǵa, ekonomıkanyń ósýine óz yqpalyn tıgizeri sózsiz.
Bıyl eki eldiń arasyndaǵy Máńgilik dostyq pen odaqtastyq týraly deklarasııaǵa qol qoıylǵanyna jıyrma jyl tolyp otyr. Osy oraıda, biz kóterip otyrǵan másele de oń sheshim tapsa, qarym-qatynasymyzǵa jańa serpin berer edi.
Biz osy máseleni Úkimet basshysy B.Saǵyntaevtyń atyna depýtattyq saýal joldap, máseleniń oń sheshilýine yqpal etýin suradyq.
Narıman TО́REǴALIEV,
Senat depýtaty