О́tken jeksenbi kúni «Ertis» fýtbol komandasy óz alańynda qyzylordalyq «Qaısarmen» kezdesti.
Jankúıerlerdiń aıtýynsha, «Ertistiń» fýtbolshylary jaqsy oıyn kórsetipti. Alǵashynda jáne ekinshi taımda da «Qaısardyń» qaqpasyna dúrkin-dúrkin shabýyldaıdy.
Biraq, ókinishke qaraı gol soǵa almapty. Esep 0-1. Goldyń avtory – Aleksandr Marochkın. Bul kezdesýde «Qaısardyń» fýtbolshylary saýatty oıyn úlgisin kórsete bildi. Sondyqtan, «Qaısar» FK bas bapkeri Stoıcho Mladenov baspasóz jıynynda «Kúreske toly oıyn boldy» dep baǵa berdi.
Qaıta oralǵan «Ertistiń» bas bapkeri Dımıtar Dımıtrovtyń aıtýynsha, komanda jaqsy oıyn kórsetti. Goldan gol soǵatyn yńǵaıly sátter kóp bolǵanymen, jergilikti fýtbolshylar múmkindikti paıdalana almaǵan.
Sóıtip, pavlodarlyq «Ertis» Premer - lıganyń 30-týry aıasyndaǵy matchta Premer - lıgada 11-orynǵa tómendedi.
Alda áli úsh oıyn kútip tur. Kelesi matchta «Ertis» 27 qazanda Almatyda «Qaırat» komandasymen kezdesedi.
Farıda BYQAI,
«Egemen Qazaqstan»
Pavlodar
Sýretterdi túsirgen: Olga Býgaeva